ഇരിട്ടി: ജൈവ വൈവിധ്യങ്ങളുടെ കലവറയായ ഉളിക്കൽ ഗവ. ഹയർ സെക്കൻഡറി സ്കൂളിനു സമീപത്തുള്ള ചെറുവനത്തെ ജില്ല പഞ്ചായത്ത് ഏറ്റെടുത്ത് സംരക്ഷിക്കാൻ പദ്ധതിയൊരുങ്ങി. ഒരേക്കറോളം വരുന്ന ചെങ്കൽ പാറക്കെട്ടുകളും നിരവധി മരങ്ങളും സംരക്ഷിച്ചുകൊണ്ടുള്ള പദ്ധതിക്കാണ് രൂപം നൽകിയത്. കുട്ടികൾക്ക് മാനസിേകാല്ലാസത്തിനും പ്രകൃതിയുമായി ചേർന്നുനിന്ന് പഠിക്കാനും അവസരം ഒരുക്കുന്നതാണ് ജില്ല പഞ്ചായത്ത് ആവിഷ്കരിക്കുന്ന ജൈവ വൈവിധ്യ പാർക്ക്. കൃഷി വകുപ്പിൻെറ സഹായത്തോടെ, അന്യംനിന്നുപോകുന്ന വിവിധതരം സസ്യങ്ങളും ഔഷധച്ചെടികളും ഭാവിയിൽ ഈ പാർക്കിൽ ഇടം പിടിക്കും. പാർക്കിലേക്ക് വിദ്യാർഥികൾക്ക് എത്തുന്നതിനുള്ള വിവിധ നടപ്പാതകളും ചെങ്കൽ പതിപ്പിച്ച കുളവും ആദ്യഘട്ടത്തിൽ നിർമിക്കും. വിദ്യാർഥികൾക്ക് പഠിക്കുന്നതിനും ടോയ്ലറ്റ് സൗകര്യവും ഇവിടെ ഒരുക്കുന്നുണ്ട്. 25 ലക്ഷം രൂപ ചെലവിൽ നിർമിക്കുന്ന പദ്ധതി 2021 മാർേച്ചാടെ നിർമാണം പൂർത്തീകരിക്കുമെന്ന് അധികൃതർ അറിയിച്ചു. ജില്ല പഞ്ചായത്ത് അംഗം തോമസ് വർഗീസ്, പി.ടി.എ പ്രസിഡൻറ് അബൂബക്കർ, പാർക്ക് നിർമാണ കമ്മിറ്റി ചെയർമാൻ ജോസ് പൂമല, ഹയർ സെക്കൻഡറി പ്രിൻസിപ്പൽ, കണ്ണൂർ അഗ്രികൾചർ എക്സ്ക്യൂട്ടിവ് എൻജിനീയർ സുധീർ കുമാർ, കൃഷി ഓഫിസർ അശ്വതി, കൃഷി എൻജിനീയറിങ് വിഭാഗം ഉദ്യോഗസ്ഥർ തുടങ്ങിയവരുടെ സംഘം നിർദിഷ്ട പാർക്ക് സന്ദർശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.