അസ്സലിനെ വെല്ലുന്ന കുഞ്ഞു ബസ് നിർമിച്ച്​ സെയ്ദ്

അഞ്ചരക്കണ്ടി: കാനിച്ചേരി സ്വദേശിയായ സെയ്ദ് ഗൾഫിൽ ജോലിക്കിടയിൽ കിട്ടുന്ന ഒഴിവുസമയങ്ങൾ ചെലവഴിക്കുന്നത് പലതി​ൻെറയും അസ്സലിനെ വെല്ലുന്ന മോഡലുകൾ ഉണ്ടാക്കിയാണ്. ബുർജ് ഖലീഫ മുതൽ പല പള്ളികൾ വരെ നിർമിച്ച മോഡലുകളിലുണ്ട്. കാനിച്ചേരി ജുമാമസ്ജിദും ബൈത്തുറഹ്മയുടെ മോഡലും ഉണ്ടാക്കി സെയ്ദ് ഇതിനോടകം ത​ൻെറ കരുവിരുത് തെളിയിച്ചിരിക്കുകയാണ്. ഇനി അബൂദബിയിൽ തിരിച്ചെത്തിയാൽ ഷെയ്ഖ് സായിദ് ഗ്രാൻഡ് മോസ്ക് മോഡൽ നിർമിക്കുന്നതിനുള്ള തയാറെടുപ്പിലാണ്. കഴിഞ്ഞ തവണ നാട്ടിൽ വന്നപ്പോൾ ഭാര്യയുടെ ജ്യേഷ്ഠത്തിയുടെ വീടി​ൻെറ മോഡലും ഉണ്ടാക്കിയിരുന്നു. ലോക്ഡൗൺ സമയത്ത് നാട്ടിൽ കഴിയവേയാണ്​ മക​ൻെറ നിർബന്ധപ്രകാരം ടൂറിസ്​റ്റ്​ ബസ്​ ഉണ്ടാക്കിയത്. റിമോട്ടി​ൻെറ സഹായത്തോടെ പ്രവർത്തിപ്പിക്കാവുന്ന ബസ്​ ഒറിജിനലിനെ വെല്ലും. ഏതു മോഡൽ നിർമിക്കുമ്പോഴും അതിനൊരു 'ഒറിജിനാലിറ്റി' വേണമെന്നുള്ളത് സെയ്​ദിന് നിർബന്ധമാണ്. മാസങ്ങളോളം പല സ്ഥലത്തുനിന്നും നിർമാണത്തിന് ആവശ്യമായ വസ്തുക്കൾ ശേഖരിച്ചാണ് വിവിധ മോഡലുകൾ നിർമിക്കുന്നത്​. ajk sayid bus സെയ്ദ് തയാറാക്കിയ കുഞ്ഞു ബസ്