കണ്ണൂർ: കോവിഡ് കാരണം ഓണത്തിന് മാവേലിയെത്തില്ലെങ്കിലും വെള്ളിത്തിരയിലെ താരങ്ങളെ ഉൾപ്പെടെ മുന്നിലെത്തിച്ച് ആഘോഷത്തിന് പൊലിമകൂട്ടുകയാണ് ഇരിക്കൂറിലെ സിബ്ഗ ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡീസ്. താരങ്ങളായ ഇന്ദ്രൻസും മധുപാലുമൊക്കെ ഓൺലൈൻ ഓണാഘോഷത്തിൻെറ ഭാഗമായി വിദ്യാർഥികൾക്ക് മുന്നിലെത്തും. ആഗസ്റ്റ് 30ന് ആരംഭിച്ച ഓണാഘോഷ പരിപാടികൾ സെപ്റ്റംബർ 10നാണ് അവസാനിക്കുക. കോളജിൻെറ ഔദ്യോഗിക ഫേസ്ബുക്ക്, ഇൻസ്റ്റഗ്രാം ലൈവിലൂടെ മധുപാൽ ഉദ്ഘാടനം ചെയ്യും. മാവേലി ഓൺലൈനിൽ, ഓർത്തെടുക്കാം ഓർമയിലെ ഓണം, പൂക്കള മത്സരം, ഓണച്ചിത്രം ഓർമച്ചിത്രം എന്ന ഫോട്ടോഗ്രഫി മത്സരം എന്നിവയും എല്ലാവർക്കും പങ്കെടുക്കാവുന്ന പുരുഷ കേസരി, മലയാളി മങ്ക എന്നീ പരമ്പരാഗത മലയാളി വേഷവിധാന മത്സരവും നടത്തും. ഓരോ മത്സരത്തിലും വിജയിക്കുന്ന രണ്ടുപേർക്ക് 1000 രൂപവീതവും പ്രശസ്തിപത്രവുമാണ് സമ്മാനം. പങ്കെടുക്കുന്നതിന് 9447729739, 9497144310 എന്നീ നമ്പറുകളിൽ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.