കോട്ടയം: എം.ഡി.എം.എയുമായി യുവാവ് അറസ്റ്റിൽ. ഗാന്ധിനഗർ പെരുമ്പായിക്കാട് ചെട്ടിശ്ശേരി വീട്ടിൽ മാഹിനെയാണ് (28) ലഹരിവിരുദ്ധ സ്ക്വാഡ് പിടികൂടിയത്.ഇയാൾ വീട്ടിൽ വിൽപനക്ക് എം.ഡി.എം.എ സൂക്ഷിച്ചിട്ടുണ്ടെന്ന് ജില്ല പൊലീസ് മേധാവി കെ. കാർത്തിക്കിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ ലഹരിവിരുദ്ധ സ്ക്വാഡും ഗാന്ധിനഗർ പൊലീസും ചേര്ന്ന് നടത്തിയ പരിശോധനയിലാണ് പ്രതി പിടിയിലായത്. 31 ഗ്രാം എം.ഡി.എം.എ കണ്ടെടുത്തു.
ജില്ല നാർകോട്ടിക് സെല് ഡിവൈ.എസ്.പി ജോൺ.സി, കോട്ടയം ഡിവൈ.എസ്.പി അനീഷ് കെ.ജി, ഗാന്ധിനഗര് എസ്.എച്ച്.ഒ ഷിജി.കെ, ജില്ല ലഹരി വിരുദ്ധ സ്ക്വാഡ് അംഗങ്ങളുമാണ് ജില്ല പൊലീസ് മേധാവിയുടെ സംഘത്തിൽ ഉണ്ടായിരുന്നത്.ഇയാൾക്ക് എം.ഡി.എം.എ എത്തിച്ചുകൊടുക്കുന്നവരെപ്പറ്റിയുള്ള അന്വേഷണം നടത്തിവരുകയാണെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.