ഇ​ത്ത​വ​ണ​യും ബ​ജ​റ്റി​ൽ നിരാശ മാ​​ത്രം; ഇടുക്കിയിൽപ്രഖ്യാപനങ്ങൾക്കും വാഗ്ദാനങ്ങൾക്കും കുറവില്ല

ചെ​റു​തോ​ണി: ഇ​ത്ത​വ​ണ​ത്തെ ബ​ജ​റ്റി​ലും ഇ​ടു​ക്കി മ​ണ്ഡ​ല​ത്തി​ൽ വാ​ഗ്ദാ​ന​ങ്ങ​ൾ​ക്ക്​ കു​റ​വി​ല്ല. ജി​ല്ല ആ​സ്ഥാ​ന​മാ​യി അ​ര നൂ​റ്റാ​ണ്ട്​ പി​ന്നി​ട്ട ചെ​റു​തോ​ണി​യി​ൽ നി​റ​വേ​റാ​ത്ത വാ​ഗ്ദാ​ന​ങ്ങ​ളു​ടെ നീ​ണ്ട പ​ട്ടി​ക​യാ​ണു​ള്ള​ത്. സ​ർ​ക്കാ​റുക​ൾ ന​ൽ​കി​യ ബ​ജ​റ്റ് വാ​ഗ്ദാ​ന​മാ​ണ് ഇ​ടു​ക്കി വാ​ഴ​ത്തോ​പ്പി​ൽ മി​നി സി​വി​ൽ സ്റ്റേ​ഷ​ൻ.

അ​തി​നു വേ​ണ്ടി തി​രി​ച്ചി​ട്ട സ്ഥ​ലം കാ​ടു​ക​യ​റി​ക്കി​ട​ക്കു​ന്നു. ഇ​ടു​ക്കി​യി​ൽ ഡെ​ന്‍റ​ൽ കോ​ളേ​ജ് അ​നു​വ​ദി​ക്കു​മെ​ന്ന പ്ര​ഖ്യാ​പ​നം ക​രു​ണാ​ക​ര​ൻ മു​ഖ്യ​മ​ന്ത്രി​യാ​യി​രു​ന്ന കാ​ല​ത്തു​ണ്ടാ​യ​താ​ണ്. ഇ​തു​വ​രെ ന​ട​പ്പാ​യി​ട്ടി​ല്ല. ഇ​പ്പോ​ൾ അടുത്ത്​ ഡെ​ന്‍റ​ൽ കോ​ള​ജു​ള്ള​ത്​ കോ​ത​മം​ഗ​ല​ത്തു മാ​ത്ര​മാ​ണ്.

പ​ത്തുചെ​യി​ൻ, പെ​രി​ഞ്ചാം​കു​ട്ടി പ്ര​ദേ​ശ​ങ്ങ​ളി​ലു​ള്ള​വ​ർ​ക്ക്​ പ​ട്ട​യം ഇ​ന്നും കി​ട്ടി​യി​ട്ടി​ല്ല. പെ​രി​ഞ്ചാം​കു​ട്ടി പ​ദ്ധ​തി സ​ർ​ക്കാ​ർ ഉ​പേ​ക്ഷി​ച്ചി​ട്ട് വ​ർ​ഷ​ങ്ങ​ളാ​യി​ട്ടും ആ ​പ്ര​ദേ​ശ​ത്ത്​ താ​മ​സി​ക്കു​ന്ന​വ​രി​ൽ പ​ല​ർ​ക്കും പ​ട്ട​യം വാ​ഗ്ദാ​ന​ത്തി​ലൊ​തു​ങ്ങി. ജി​ല്ല ആ​സ്ഥാ​ന​ത്ത് സാ​യി സ്പോ​ർ​ട്സ് സെൻറ​ർ ഇ​ന്നും ന​ട​പ്പാ​യി​ട്ടി​ല്ല. ജോ​സ് കു​റ്റ്യാ​നി എം.​എ​ൽ.​എ​യാ​യി​രു​ന്ന കാ​ല​ത്ത് പ്ര​ഖ്യാ​പി​ച്ച​താ​ണ് ഇ​ടു​ക്കി- ഉ​ടു​മ്പ​ന്നൂ​ർ റോ​ഡ്. എം.​എ​ൽ.​എ​മാ​ർ പ​ല​രും മാ​റി​യെ​ങ്കി​ലും വാ​ഗ്ദാ​ന​മാ​യി ഇ​പ്പോ​ഴും തു​ട​രു​ന്നു.

ഇ​ടു​ക്കി​യി​ൽ 40 കോ​ടി​യു​ടെ ബ​സ് ടെ​ർ​മി​ന​ൽ എ​വി​ടെ എ​ന്ന ചോ​ദ്യ​ത്തി​നു​മു​ത്ത​ര​മി​ല്ല. ചെ​റു​തോ​ണി​യി​ലെ ബ​ട്ട​ർ ഫ്ലൈ ​പാ​ലം മാ​ത്ര​മാ​ണ് യ​ഥാ​ർ​ഥ്യ​മാ​യ​ത്. കു​ള​മാ​വ് ഹൈ​ഡ​ൽ ടൂ​റി​സം പ​ദ്ധ​തി​ക്ക് ഉ​മ്മ​ൻ ചാ​ണ്ടി സ​ർ​ക്കാ​ർ ബ​ജ​റ്റി​ൽ ഒ​രു കോ​ടി രൂ​പ അ​നു​വ​ദി​ച്ച​താ​ണ്. പ​ദ്ധ​തി എ​വി​ടെ​യെ​ന്ന്​ മാ​ത്രം ആ​ർ​ക്കു​മ​റി​യി​ല്ല.

ചെ​റു​തോ​ണി​യി​ൽ കെ.​എ​സ്.​ആ​ർ.​ടി.​സി.​സി ഡി​പ്പോ ആ​രം​ഭി​ക്കു​മെ​ന്ന് 20 വ​ർ​ഷം മു​മ്പു​ള്ള വാ​ഗ്ദാ​ന​മാ​ണ്. ഇ​തി​നാ​യി ആ​ലി​ൻ​ചു​വ​ടി​ന്​ സ​മീ​പം സ്ഥ​ലം വ​രെ ക​ണ്ടെ​ത്തി​യി​രു​ന്നു. പി​ന്നീ​ട​ത്​ ജ​ല​രേ​ഖ​യാ​യി മാ​റി. ആ ​വാ​ഗ്ദാ​നം ഇ​പ്പോ​ഴും പൊ​ടി​ത​ട്ടി​യെ​ടു​ത്തി​ട്ടു​ണ്ട് മ​റ്റൊ​രു വാ​ഗ്ദാ​ന​മാ​യി​രു​ന്നു ഇ​ടു​ക്കി​യി​ലും കൊ​ന്ന​ത്ത​ടി​യി​ലും അ​ന്താ​രാ​ഷ്ട്ര സ്റ്റേ​ഡി​യം.