പാലാ ബിഷപ് മതസ്പർധ വളര്‍ത്തുന്നു

നെടുങ്കണ്ടം: പാലാ ബിഷപ് മതസ്പർധ വളര്‍ത്തുവാന്‍ ശ്രമിക്കുന്നതായി എസ്.ഡി.പി.ഐ ഉടുമ്പന്‍ചോല നിയോജകമണ്ഡലം കമ്മിറ്റി കുറ്റപ്പെടുത്തി. സംഘ്​പരിവാറി​ൻെറ പ്രീതി പിടിച്ചുപറ്റാന്‍ ബിഷപ് നടത്തുന്ന മുസ്​ലിം വിരുദ്ധ പ്രസ്താവനകളെ സമൂഹം അവജ്ഞയോടെ തള്ളിക്കളയുമെന്ന്്‌ യോഗം അഭിപ്രായപ്പെട്ടു. മുമ്പ് ലൗജിഹാദ് എന്ന് പറഞ്ഞു മുസ്​ലിം സമുദായത്തെ വളരെ മോശമായ രീതിയില്‍ ആക്ഷേപിച്ചിരുന്നതിന് പിന്നാലെയാണ് നാര്‍കോട്ടിക് ജിഹാദ് എന്ന പുതിയ കണ്ടുപിടിത്തവുമായി ബിഷപ് രംഗത്തുവന്നത്. യോഗത്തില്‍ നിയോജകമണ്ഡലം പ്രസിഡൻറ്​ സിറാജ് മുണ്ടിയെരുമ അധ്യക്ഷതവഹിച്ചു. നജീബ് സന്യാസിയോട, നിസാം, അജ്മല്‍ ഹര്‍ഷാദ് എന്നിവര്‍ സംസാരിച്ചു.