തൃപ്പൂണിത്തുറ: മദ്യപിച്ച് വാഹനം ഓടിച്ചതിന് ഒരു സ്വകാര്യ ബസ് ഡ്രൈവറും രണ്ട് കെ.എസ്.ആര്.ടി.സി ഡ്രൈവര്മാരും അറസ്റ്റില്. തിങ്കളാഴ്ച രാവിലെ തൃപ്പൂണിത്തുറ ഹില്പാലസ് പൊലീസ് നടത്തിയ പ്രത്യേക പരിശോധനയിലാണ് വൈക്കം-തൃപ്പൂണിത്തുറ റൂട്ടിലോടുന്ന കെ.എസ്.ആര്.ടി.സി ബസുകളുടെ ഡ്രൈവര്മാരായ കോട്ടയം വില്ലൂന്നി തൈക്കൂട്ടത്തില് അരുണ് ടി. ഗോപിദാസ് (41), കോട്ടയം കുഴിമറ്റം മീനച്ചിറ തിട്ടത്തില് വീട്ടില് ടിജി എം. സ്കറിയ (45), വൈക്കം-തൃപ്പൂണിത്തുറ റൂട്ടിലോടുന്ന അര്ച്ചന എന്ന സ്വകാര്യ ബസിന്റെ ഡ്രൈവര് ഇരുമ്പനം സൂര്യപ്രഭ വീട്ടില് എസ്.എസ്. റോണി (29) എന്നിവർ പിടിയിലായത്. മൂന്ന് ബസും പൊലീസ് കസ്റ്റഡിയിലെടുത്തു.
ബസുകള് കേന്ദ്രീകരിച്ച് നടത്തിയ പരിശോധനയില് ഇവര് മൂവരും മദ്യപിച്ചിരുന്നതായി കണ്ടെത്തുകയായിരുന്നു. കസ്റ്റഡിയിലെടുത്ത ബസുകള് പുതിയ ഡ്രൈവര്മാര് എത്തിയ ശേഷം വിട്ടുനല്കി. പരിശോധന തുടരുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.