കോട്ടപ്പടിയിൽ കാട്ടാന ആക്രമണം തുടരുന്നു; വീട് തകർത്തു

കോ​ത​മം​ഗ​ലം: കോ​ട്ട​പ്പ​ടി​യി​ൽ കാ​ട്ടാ​ന​ക്കൂ​ട്ട​ത്തി​ന്‍റെ വി​ള​യാ​ട്ട​ത്തി​ൽ വീ​ട് ത​ക​ർ​ന്നു. മ​റ്റൊ​രു വീ​ടി​ന്​ കേ​ടു​പാ​ട് സം​ഭ​വി​ച്ചു. മൂ​ന്ന് ദി​വ​സ​മാ​യി പ്ലാ​മു​ടി, ചീ​ന​ക്കു​ഴി പ്ര​ദേ​ശ​ങ്ങ​ളി​ൽ ഭീ​ക​രാ​ന്ത​രീ​ക്ഷം സൃ​ഷ്ടി​ച്ച് ആ​ന​ക​ൾ വി​ല​സു​ക​യാ​ണ്. ജ​ന​വാ​സ മേ​ഖ​ല​ക​ളി​ൽ​നി​ന്ന് ആ​ന​ക​ളെ തു​ര​ത്തു​ന്ന​തി​നി​ടെ​യാ​ണ് ആ​ന​ക​ളി​ൽ ഒ​ന്ന് വീ​ട്​ ആ​ക്ര​മി​ച്ച​ത്.

വ​ട​ക്കും​ഭാ​ഗം ക​വ​ല​ക്ക് സ​മീ​പം പു​ത്ത​ൻ​പു​ര​യ്ക്ക​ൽ മോ​ഹ​ന​ൻ, മാ​താ​വ്​ കാ​ർ​ത്തി​ക എ​ന്നി​വ​രു​ടെ വീ​ടു​ക​ൾ​ക്കാ​ണ് കേ​ടു​പാ​ട്​ സം​ഭ​വി​ച്ച​ത്. രാ​ത്രി 12.30ഓ​ടെ വ​ള​ർ​ത്തു​നാ​യു​ടെ നി​ർ​ത്താ​തെ​യു​ള്ള കു​ര​കേ​ട്ട് പു​റ​ത്തി​റ​ങ്ങി​യ മോ​ഹ​ന​ന്‍റെ തൊ​ട്ട​രി​കി​ൽ ആ​ന​യെ​ത്തി. ഓ​ടി വീ​ടി​ന​ക​ത്ത് ക​യ​റി ഭാ​ര്യ​യെ​യും വി​ളി​ച്ച് പു​റ​ത്തി​റ​ങ്ങി. സ​മീ​പ​ത്ത് താ​മ​സി​ക്കു​ന്ന അ​മ്മ​യെ​യും മ​റ്റു​ള്ള​വ​രെ​യും വി​ളി​ച്ചു​ണ​ർ​ത്തി ര​ക്ഷ​പ്പെ​ടു​ക​യാ​യി​രു​ന്നു. ആ​ന ര​ണ്ട് വീ​ടു​ക​ൾ​ക്കി​ട​യി​ലൂ​ടെ ക​ട​ക്കു​ന്ന​തി​നി​ടെ മോ​ഹ​ന​ന്‍റെ വീ​ടി​ന്‍റെ ഭി​ത്തി ത​ക​ർ​ന്നു. മേ​ൽ​ക്കൂ​ര​യും പാ​ത്ര​ങ്ങ​ളും ന​ശി​പ്പി​ച്ചു.

ഇ​തേ ആ​ന​ക്കൂ​ട്ടം ശ​നി​യാ​ഴ്ച രാ​വി​ലെ ടാ​പ്പി​ങ് തൊ​ഴി​ലാ​ളി​യാ​യ പൗ​വ്വ​ത്തി​ൽ ജോ​യി​യെ തോ​ട്ട​ത്തി​ൽ​നി​ന്ന് ഓ​ടി​ച്ചു. വെ​ള്ളി​യാ​ഴ്ച രാ​ത്രി ക​ര്‍ണ്ണൂ​ര്‍ കോ​ലേ​ക്കാ​ട്ട് അ​നി​ല്‍, മാ​മ്പി​ള്ളി ഇ​ന്റീ​രി​യ​ർ സ്ഥാ​പ​നം ന​ട​ത്തു​ന്ന നി​തീ​ഷ് എ​ന്നി​വ​രു​ടെ ബൈ​ക്കു​ക​ൾ​ക്കു​നേ​രെ ആ​ന പാ​ഞ്ഞ​ടു​ത്തി​രു​ന്നു. ബൈ​ക്ക് ഉ​പേ​ക്ഷി​ച്ച് ഇ​വ​ർ ര​ക്ഷ​പ്പെ​ടു​ക​യാ​യി​രു​ന്നു. അ​നി​ലി​ന്റെ ബൈ​ക്ക് ന​ശി​പ്പി​ച്ചു.

കോ​ട്ട​പ്പാ​റ വ​നാ​തി​ർ​ത്തി പ​ങ്കി​ടു​ന്ന പ്ലാ​മു​ടി, കൂ​വ​ക്ക​ണ്ടം, ക​ല്ലു​ളി, ഷാ​പ്പും​പ​ടി, മൂ​ന്നാം​തോ​ട്, വാ​വേ​ലി, വ​ട​ക്കും​ഭാ​ഗം, ചേ​ല​ക്കാ​പ്പ​ള്ളി, മു​ട്ട​ത്തു​പാ​റ, ഉ​പ്പു​ക​ണ്ടം, ചീ​നി​ക്കു​ഴി പ്ര​ദേ​ശ​ങ്ങ​ളി​ൽ ആ​ന​ക​ളു​ടെ നി​ര​ന്ത​ര സാ​ന്നി​ധ്യ​മു​ണ്ട്. കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് ആ​ന​ക​ൾ എ​ത്തു​ന്ന​ത് ആ​ശ​ങ്ക ഉ​യ​ർ​ത്തി​യി​ട്ടു​ണ്ട്. ജ​ന​വാ​സ മേ​ഖ​ല​ക​ളി​ൽ ഇ​റ​ങ്ങു​ന്ന കാ​ട്ടാ​ന​ക​ളെ ത​ട​യാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​ണ്.