മട്ടാഞ്ചേരി: ജമാഅത്തെ ഇസ്ലാമി കൊച്ചി ഏരിയയുടെ നേതൃത്വത്തിൽ ഇഫ്താർ സൗഹൃദ സംഗമം നടത്തി. ചുള്ളിക്കൽ ഹോട്ടൽ ആബാദിൽ നടന്ന സംഗമം നഗരസഭ സ്റ്റാൻഡിങ് കമ്മിറ്റി ചെയർപേഴ്സൻ ഷീബലാൽ ഉദ്ഘാടനം ചെയ്തു. കൊച്ചി ഏരിയ പ്രസിഡന്റ് എ.എസ്. മുഹമ്മദ് അധ്യക്ഷതവഹിച്ചു. ജമാഅത്തെ ഇസ്ലാമി സിറ്റി പ്രസിഡന്റ് എം.പി. ഫൈസൽ റമദാൻ സന്ദേശം നൽകി. നഗരസഭ സ്ഥിരംസമിതി ചെയർമാൻ ടി.കെ. അഷ്റഫ്, കൗൺസിലർമാരായ ഹബീബുല്ല, ബാസ്റ്റിൻ ബാബു, നഗരസഭ മുൻ പ്രതിപക്ഷ നേതാവ് കെ.ജെ. ആന്റണി, സി.എസ്. ജോസഫ്, സുനിൽ, തോമസ് കൊറശ്ശേരി എന്നിവർ സംസാരിച്ചു. കെ.എച്ച്. അസീം ഖുർആനിൽനിന്ന് അവതരിപ്പിച്ചു. കൊച്ചി സിറ്റി വൈസ് പ്രസിഡൻറ് കെ.എ. ഫിറോസ് സമാപനം നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.