കടൽക്ഷോഭത്തിന് പരിഹാരം ആവശ്യപ്പെട്ട് ചെല്ലാനത്ത് മനുഷ്യ കടൽഭിത്തി

പള്ളുരുത്തി: ഫോർട്ട്​കൊച്ചി മുതൽ ചെല്ലാനം വരെയുള്ള കടൽക്ഷോഭത്തിന് ശാശ്വത പരിഹാരം ആവശ്യപ്പെട്ട് ചെല്ലാനം കൊച്ചി ജനകീയവേദിയുടെ നേതൃത്വത്തിൽ മാനാശ്ശേരിയിൽ മനുഷ്യ കടൽഭിത്തി തീർത്ത്​ പ്രതിഷേധം. മാനാശ്ശേരി ദേവാലയ വികാരി പോൾ കൊച്ചിക്കാരൻ പ്രതിഷേധം ഉദ്ഘാടനം ചെയ്തു. ചെല്ലാനം കൊച്ചിതീരത്തെ കടൽകയറ്റ പ്രശ്നത്തിന് ഭാഗിക പരിഹാരമല്ല, സമഗ്ര പരിഹാരമാണ് വേണ്ടതെന്ന് അദ്ദേഹം ആവശ്യപ്പെട്ടു. വി.ടി. സെബാസ്റ്റ്യൻ, തുഷാർ നിർമൽ, ജോസഫ് ജയൻ കുന്നേൽ, മറിയാമ്മ ജോർജ് കുരിശ്ശിങ്കൽ, സ്റ്റാൻലി കുന്നേൽ, സുജ ഭാരതി, സാവിയോ അത്തിപ്പൊഴി, ക്ലീറ്റസ് പുന്നക്കൽ, ജാൻസി പ്രകാശ്, സാലസ് കുരിശ്ശിങ്കൽ എന്നിവർ സംസാരിച്ചു.