പെരുമ്പാവൂര്: ഡിപ്പോയില്നിന്ന് കൊച്ചുപുരക്കല് കടവിലേക്ക് ലാഭകരമായി സർവിസ് നടത്തിയിരുന്ന കെ.എസ്.ആര്.ടി.സിയുടെ ഏക ബസ് സർവിസ് പുനരാരംഭിക്കണമെന്ന ആവശ്യം ശക്തമാകുന്നു. കോവിഡിന്റെ പേരില് 2020 ഫെബ്രുവരി 28 മുതലാണ് സർവിസ് നിര്ത്തലാക്കിയത്. പ്രദേശവാസികള്ക്ക് ഏറെ പ്രയോജനകരമായിരുന്ന സർവിസ് നിര്ത്തലാക്കിയത് സ്വകാര്യ ബസുടമകളുടെ സമ്മര്ദത്തെതുടര്ന്നാണെന്ന് നാട്ടുകാര് ആരോപിക്കുന്നു. ബസിന്റെ ശരാശരി പ്രതിദിന വരുമാനം 10500 രൂപയായിരുന്നു. പെരുമ്പാവൂര്-കറുകപ്പിള്ളി റൂട്ടില് 5900 രൂപയും അരയന്കാവ് റൂട്ടില് 8500 രൂപയും അമൃത ആശുപത്രിയിലേക്ക് 8800 രൂപയും മാത്രം ദിവസ വരുമാനമുള്ള ബസുകള് മുടക്കംകൂടാതെ ഓടുമ്പോള് ലാഭകരമായി ഓടിയിരുന്ന പെരുമ്പാവൂര്-കൊച്ചുപുരക്കല്കടവ് ബസ് മതിയായ കാരണമില്ലാതെയാണ് നിര്ത്തലാക്കിയത്. ബസ് എത്രയുംവേഗം പുനരാരംഭിക്കണമെന്നാവശ്യപ്പെട്ട് വെല്ഫെയര് പാര്ട്ടി ജില്ല കമ്മിറ്റി അംഗം തോമസ് കെ. ജോര്ജ് വകുപ്പുമന്ത്രിക്ക് നിവേദനം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.