ഞാറക്കലിൽ നാലുപേരെ തെരുവുനായ്​ കടിച്ചു

വൈപ്പിന്‍: ഞാറക്കല്‍ 14ാം വാര്‍ഡില്‍ കുട്ടിയെ ഉള്‍പ്പെടെ നാലുപേരെ നായ്​ കടിച്ചു. പേപിടിച്ച നായാണെന്ന് നാട്ടുകാര്‍ പറഞ്ഞു. ഇതേതുടര്‍ന്ന് നാട്ടുകാര്‍ നായെ പിന്തുടര്‍ന്നെങ്കിലും പിടികിട്ടിയില്ല. കഴിഞ്ഞ ദിവസം വൈകീട്ടാണ് സംഭവം. കുട്ടിക്ക് എറണാകുളം ജനറല്‍ ആശുപത്രിയില്‍ ചികിത്സ നല്‍കി. പള്ളിപ്പുറം, കുഴുപ്പിള്ളി, എടവനക്കാട്, നായരമ്പലം, ഞാറക്കൽ, എളങ്കുന്നപ്പുഴ എന്നീ പഞ്ചായത്തുകളിൽ തെരുവ് നായ്ക്കളുടെ ശല്യം രൂക്ഷമാണ്. ഏതാനും ദിവസങ്ങൾക്കു മുമ്പ്​ തെരുവ് നായ്ക്കൾ കൂട്ടത്തോടെയിറങ്ങി പ്രദേശത്തെ വീടുകളിലെ വളർത്തു പക്ഷികളെ കൊന്നൊടുക്കിയിരുന്നു