കൂത്താട്ടുകുളം: വിദ്യാകിരണം പദ്ധതി പ്രകാരം ഒന്നുമുതൽ 12വരെ ക്ലാസുകളിൽ പഠിക്കുന്ന പട്ടികവർഗ, വിഭാഗം കുട്ടികൾക്ക് ലാപ്ടോപ് വിതരണം തുടങ്ങി. കൂത്താട്ടുകുളം ഗവ.യു.പി സ്കൂൾ കുട്ടികൾക്ക് നഗരസഭ ചെയർപേഴ്സൻ വിജയ ശിവൻ ഉദ്ഘാടനം ചെയ്തു. പി.ടി.എ പ്രസിഡൻറ് ജോമോൻ കുര്യാക്കോസ് അധ്യക്ഷത വഹിച്ചു. വിദ്യാഭ്യാസ സ്ഥിരം സമിതി അധ്യക്ഷ മരിയ ഗൊേരത്തി, കൗൺസിലർ പി.ആർ. സന്ധ്യ, ഹെഡ്മിസ്ട്രസ് ആർ. വത്സലദേവി, മനോജ് നാരായണൻ, ടി.വി. മായ, നിഖിൽ ജോസ്, ഷീബ ബി. പിള്ള, എലിസബത്ത് പോൾ എന്നിവർ സംസാരിച്ചു.ജില്ലയിൽ 526 എസ്.ടി വിഭാഗം കുട്ടികൾക്കും 361 എസ്.സി വിഭാഗം കുട്ടികൾക്കുമാണ് ലാപ്ടോപ്പുകൾ നൽകുന്നതെന്ന് കൈറ്റ് ജില്ല കോഓഡിനേറ്റർ പി.എൻ. സജിമോൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.