കോതമംഗലം: എക്സൈസ് വകുപ്പിൻെറ ആഭിമുഖ്യത്തിൽ ലൈബ്രറി കൗൺസിലിൻെറ സഹകരണത്തോടെ വിമുക്തി പദ്ധതിയുടെ ഭാഗമായി ലഹരി വർജനത്തിനായി പാവനാടക അവതരണ പരിപാടിക്ക് തുടക്കമായി. ജില്ലയിൽ 57 കേന്ദ്രങ്ങളിൽ പരിപാടി അവതരിപ്പിക്കും. തിരുവനന്തപുരം വിഷൻ ഓഫ് ലൈഫ് പെപ്പറ്റ് ഡ്രാമ ടീം ആണ് പാവനാടകം അവതരിപ്പിക്കുന്നത്. ജില്ലതല ഉദ്ഘാടനം വാരപ്പെട്ടി എൻ.എസ്.എസ് ഹയർ സെക്കൻഡറി സ്കൂളിൽ നടന്നു. ജില്ല ലൈബ്രറി കൗൺസിൽ സെക്രട്ടറി എം.ആർ. സുരേന്ദ്രൻ ഉദ്ഘാടനം നിർവഹിച്ചു. താലൂക്ക് ലൈബ്രറി കൗൺസിൽ പ്രസിഡൻറ് മനോജ് നാരായണൻ അധ്യക്ഷത വഹിച്ചു. വാരപ്പെട്ടി ഗ്രാമപഞ്ചായത്ത് പ്രസിഡൻറ് പി.കെ. ചന്ദ്രശേഖരൻ നായർ മുഖ്യപ്രഭാഷണം നടത്തി. എക്സൈസ് കോതമംഗലം റേഞ്ച് പ്രിവൻറിവ് ഓഫിസർ കെ.ജി. ശ്രീകുമാർ ബോധവത്കരണ ക്ലാസ് നയിച്ചു. ജില്ല ലൈബ്രറി കൗൺസിൽ പ്രസിഡൻറ് പി.കെ. സോമൻ, താലൂക്ക് ലൈബ്രറി കൗൺസിൽ സെക്രട്ടറി കെ.ഒ. കുര്യാക്കോസ്, വാർഡ് മെംബർ പ്രിയ സന്തോഷ്, പി.എം. മുഹമ്മദാലി, ഷീജ കാസിം തുടങ്ങിയവർ സംസാരിച്ചു. പി.എൻ. ശാലിനി സ്വാഗതവും അഡ്വ. സുരേഷ് എം. കുമാർ നന്ദിയും പറഞ്ഞു. EM KMGM 4 vimukathi ലഹരിവർജനത്തിനായുള്ള പാവനാടക അവതരണം ജില്ല ലൈബ്രറി കൗൺസിൽ സെക്രട്ടറി എം.ആർ. സുരേന്ദ്രൻ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.