കോതമംഗലം: ഓൺലൈൻ പഠനത്തിന് സ്മാർട്ട് ഫോണുകൾ സമ്മാനമായി നൽകി പഞ്ചായത്ത് മെംബർ. കുട്ടമ്പുഴ പഞ്ചായത്ത് 15ാം വാർഡ് മെംബറും പഞ്ചായത്ത് വികസനകാര്യ സമിതി ചെയർമാനുമായ കെ.എ.സി.ബി സ്മാർട്ട് ഫോൺ ചലഞ്ചിലൂടെ സമാഹരിച്ച ഫോണുകളാണ് വാർഡിലെ അർഹരായ ആറ് വിദ്യാർഥികൾക്ക് കൈമാറിയത്. വിദേശത്ത് ജോലിചെയ്യുന്ന പ്രദേശവാസികളായ ബിേൻറാ ജെയിംസ്, തോമസ് പയ്യാല, ഷൈനി ജോമോൻ, ബിൻസി ജെയിംസ് എന്നിവരുടെ സഹായത്തോടെയാണ് ഫോൺ വാങ്ങിനൽകിയത്. കുട്ടമ്പുഴയിൽ നടന്ന ചടങ്ങിൽ ഡീൻ കുര്യാക്കോസ് എം.പി വിദ്യാർഥികൾക്ക് ഫോണുകൾ സമ്മാനിച്ചു. കുട്ടമ്പുഴ സൻെറ് മേരീസ് പള്ളി വികാരി ഫാ. ജേക്കബ് വാട്ടപ്പള്ളി, ജോമോൻ ജോസഫ്, കെ.ടി. ബിജു, ബിജു ഐപ്പ്, ബോണി പ്രിൻസ്, ബേബി ആറ്റുപുറം, ജോബി തോമസ്, ബിബിൻ മൈപ്പാൻ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.