കൊച്ചി: റോഡപകടങ്ങളിൽപെടുന്നവരെ ആശുപത്രിയിൽ എത്തിക്കുന്നതിനിടെ വാഹനത്തിൽ അഴുക്കോ രക്തക്കറയോ പുരണ്ടാൽ സൗജന്യ കാർ വാഷ് സേവനം വാഗ്ദാനം ചെയ്ത് കാർ വാഷ് സ്ഥാപനമായ ക്യാഗ്ഗോ സ്റ്റീം കാർ വാഷ്. അപകടങ്ങളിൽപെടുന്നവരെ എത്രയുംവേഗം ആശുപത്രിയിൽ എത്തിക്കാനുള്ള ബോധവത്കരണത്തിൻെറ ഭാഗമായാണ് സൗജന്യ സേവനം നൽകുന്നതെന്ന് സ്ഥാപനത്തിൻെറ ഡയറക്ടർ അജ്മൽ ഖാലിദ് വാർത്തസമ്മേളനത്തിൽ പറഞ്ഞു. അപകടത്തിൽപെട്ട വ്യക്തിയെ ആശുപത്രിയിൽ എത്തിച്ചശേഷം 9137123456 ഹെൽപ്ലൈൻ നമ്പറിലേക്ക് ലൊക്കേഷൻ വിവരങ്ങൾ വാട്സ്ആപ് ചെയ്താൽ ഉപഭോക്താവിൻെറ വീട്ടുപടിക്കലെത്തി വാഹനം വൃത്തിയാക്കുകയും കൊറിയൻ സാങ്കേതിക വിദ്യയിൽ നീരാവി ഉപയോഗിച്ച് അണുനശീകരണം നടത്തുകയും ചെയ്യും. വിലകൂടിയ വാഹനത്തിൽ രക്തക്കറയും മറ്റ് അഴുക്കുകളും ഉണ്ടാകുമെന്ന ആശങ്കമൂലം പലരും അപകടത്തിൽപെട്ടവരെ ആശുപത്രിയിൽ എത്തിക്കാൻ മടിക്കുന്നുണ്ട്. ഈ സാഹചര്യത്തിലാണ് തീരുമാനം. 14 ജില്ലകളിലായി 100ലധികം ബ്രാഞ്ചുകൾ വഴി 1200 പിൻകോഡുകളിൽ സൗജന്യസേവനം ലഭ്യമാക്കിയിട്ടുണ്ട്. ഡയറക്ടർ ജിതിന് രാജ്, മാനേജര് ജിന്സണ് പോള് എന്നിവരും വാർത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.