കാക്കനാട്: കനത്ത മഴയിൽ തൃക്കാക്കര കൊല്ലംകുടിമുകൾ ക്രോസ് റോഡ് ഇടിഞ്ഞ് താഴേക്കിരുന്നു. മഴയിൽ കുതിർന്ന റോഡിലൂടെ ഏറെ നേരം ഭാരവാഹനങ്ങൾ കടന്നുപോയതോടെയാണ് ചൊവ്വാഴ്ച രാത്രി തകർന്നത്. സമീപത്തെ സ്വകാര്യ വ്യക്തിയുടെ ഭൂമിയിൽനിന്ന് മണ്ണ് കൊണ്ടു പോകുന്ന ലോറികൾ സ്ഥിരമായി വന്നുപോയതിനെ തുടർന്നാണ് സംഭവം. റോഡിടിഞ്ഞ് വഴിയിൽ മുഴുവൻ ചളി പരന്നതോടെ പ്രദേശത്തെ ഗതാഗതം തടസ്സപ്പെട്ടു. തുടർന്ന് സ്ഥലത്തെത്തിയ വാർഡ് കൗൺസിലർ പി.എം. യൂസഫ് നിർദേശപ്രകാരം സ്ഥലമുടമ ചളി മുഴുവൻ കഴുകി വൃത്തിയാക്കാമെന്നും അറ്റകുറ്റപ്പണി ചെയ്യാമെന്നും അറിയിക്കുകയും ചെയ്തു. ഇനി മണ്ണ് നീക്കില്ലെന്ന് ഉറപ്പുനൽകിയതായി കൗൺസിലർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.