ആലപ്പുഴ: വെള്ളം ചൂടാക്കുന്നതിനിടെ അടുപ്പിൽനിന്ന് തീപടർന്ന് വീട്ടമ്മക്ക് ഗുരുതര . ആര്യാട് പഞ്ചായത്ത് ഒമ്പതാം വാർഡിൽ കുറ്റിച്ചിറ വീട്ടിൽ ജലഗതാഗത വകുപ്പ് ജീവനക്കാരൻ ബിജുവിൻെറ ഭാര്യ സജിതക്കാണ് (35) പൊള്ളലേറ്റത്. ഞായറാഴ്ച രാവിലെ എട്ടിനാണ് സംഭവം. വെള്ളം ചൂടാക്കുന്നതിന് വിറക് അടുപ്പിലേക്ക് വെച്ചപ്പോൾ കത്താതിരുന്നതോടെ മണ്ണെണ്ണയൊഴിച്ചു. തുടർന്ന് വസ്ത്രത്തിലേക്ക് തീ പടർന്നുപിടിക്കുകയായിരുന്നു. ധിറുതിയിൽ മാറാൻ ശ്രമിക്കുന്നതിനിടെ അടുപ്പിൽനിന്ന് മരക്കഷണം ദേഹത്തേക്ക് തെറിച്ചുവീണത് പരിഭ്രാന്തിക്ക് ഇടയാക്കി. ഇതിനൊപ്പം വള്ളത്തിൻെറ എൻജിന് ഒഴിക്കുന്നതിന് സൂക്ഷിച്ച പെട്രോളും അപകടത്തിന് ആക്കംകൂട്ടി. 60 ശതമാനത്തോളം െപാള്ളലേറ്റതായി പറയപ്പെടുന്നു. വീട്ടുകാർ തീകെടുത്തി വണ്ടാനം മെഡിക്കൽ കോളജ് ആശുപത്രിയിൽ എത്തിച്ചു. പിന്നീട് വിദഗ്ധചികിത്സക്ക് എറണാകുളത്തെ സ്വകാര്യ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.