നി​സ്സ​ഹാ​യ​ത​യു​ടെ ന​ടു​ക്ക​ട​ലി​ൽ സു​ല​ജ​യു​ടെ കു​ടും​ബം

ആ​റാ​ട്ടു​പു​ഴ: ‘‘വീ​ഴാ​റാ​യ ഈ ​വീ​ടി​നു​ള്ളി​ൽ മ​ര​ണം മു​ന്നി​ൽ ക​ണ്ടാ​ണ് ഞ​ങ്ങ​ൾ ഓ​രോ രാ​ത്രി​യും കി​ട​ക്കു​ന്ന​ത്. മ​റ്റൊ​രു മാ​ർ​ഗ​വു​മി​ല്ല’’. സു​ല​ജ​യു​ടെ വാ​ക്കു​ക​ൾ തീ​ര​ദേ​ശ ജ​ന​ത​യു​ടെ ദു​രി​ത ജീ​വി​ത​ത്തി​ന്‍റെ നേ​ർ​ചി​ത്ര​മാ​ണ്.

ആ​റാ​ട്ടു​പു​ഴ പ​ത്തി​ശ്ശേ​രി ജ​ങ്ഷ​ന് സ​മീ​പം വ​ലി​യ ക​ട​വി​ൽ പ​ടീ​റ്റ​തി​ൽ സു​ല​ജ, ഭ​ർ​ത്താ​വ് ആ​ന​ന്ദ​ൻ, മ​ക​ൾ ആ​തി​ര എ​ന്നി​വ​ർ ക​ലി​തു​ള്ളി നി​ൽ​ക്കു​ന്ന ക​ട​ലി​ന്​ മു​ന്നി​ൽ നി​സ്സ​ഹാ​യ​രാ​യി നി​ൽ​ക്കു​ക​യാ​ണ്. ഒ​രാ​ഴ്ച​യാ​യി തു​ട​രു​ന്ന ക​ട​ലാ​ക്ര​മ​ണ​ത്തി​ൽ ഇ​വ​രു​ടെ വീ​ട്​ ഏ​തു നി​മി​ഷ​വും നി​ലം​പൊ​ത്താ​വു​ന്ന നി​ല​യി​ലാ​ണ്​​. ഭ​യ​മി​ല്ലാ​തെ ഉ​റ​ങ്ങി​യി​ട്ട് ഒ​രാ​ഴ്ച​യി​ലേ​റെ​യാ​യി.

45 വ​ർ​ഷം മു​മ്പ് ആ​കെ​യു​ള്ള സ​മ്പാ​ദ്യം കൊ​ണ്ട് 20 സെ​ന്റ് സ്ഥ​ല​ത്ത് ആ​രം​ഭി​ച്ച ജീ​വി​തം ഇ​ന്ന് മൂ​ന്നോ നാ​ലോ സെ​ന്റി​ലേ​ക്ക് ചു​രു​ങ്ങി. വീ​ടി​ന്റെ പി​ന്നി​ലാ​യി​രു​ന്നു ഞ​ങ്ങ​ളു​ടെ ഭൂ​മി. 32 വ​ർ​ഷം മു​മ്പ് നി​ർ​മി​ച്ച ക​ട​ൽ​ഭി​ത്തി പൂ​ർ​ണ​മാ​യും ത​ക​ർ​ന്നു. ഇ​പ്പോ​ൾ ക​ട​ൽ ഞ​ങ്ങ​ളു​ടെ വീ​ട്ടു​ചു​മ​രി​നോ​ട് ചേ​ർ​ന്ന് നി​ൽ​ക്കു​ന്നു. ആ​ന​ന്ദ​ന്റെ വാ​ക്കു​ക​ളി​ൽ നി​രാ​ശ​യും ഭീ​തി​യും.

ഓ​രോ തി​ര​മാ​ല​യും വീ​ടി​ന്റെ അ​ടി​ത്ത​റ​യി​ൽ​നി​ന്ന് മ​ണ​ൽ ക​വ​ർ​ന്നെ​ടു​ക്കു​ക​യാ​ണ്. മാ​സ​ങ്ങ​ൾ​ക്ക് മു​മ്പ് ക​ട​ൽ വി​ഴു​ങ്ങി​യ വീ​ടി​ന് പു​റ​ത്തെ ശു​ചി​മു​റി​ക്ക് ശേ​ഷം ര​ണ്ട് ദി​വ​സം മു​മ്പ് വീ​ടി​ന​ക​ത്തെ ശു​ചി​മു​റി​യും തി​ര​ക​ൾ ത​ക​ർ​ത്തു. പ്രാ​ഥ​മി​ക ആ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ പോ​ലും ഒ​രു മാ​ർ​ഗ​വു​മി​ല്ല.

ഇ​തു പ​റ​യു​മ്പോ​ൾ സു​ല​ജ​യു​ടെ സ​ങ്ക​ടം അ​ണ​പൊ​ട്ടി. ഈ ​ദു​ര​ന്ത​ത്തി​നി​ട​യി​ലും ഞ​ങ്ങ​ളെ ഒ​രു ദു​രി​താ​ശ്വാ​സ ക്യാ​മ്പി​ലേ​ക്ക് പോ​ലും ആ​രും ക്ഷ​ണി​ച്ചി​ട്ടി​ല്ല. വീ​ട്ടു​സാ​ധ​ന​ങ്ങ​ൾ മാ​റ്റാ​ൻ ഒ​രു വാ​ട​ക​വീ​ട് പോ​ലും ല​ഭി​ക്കു​ന്നി​ല്ല. അ​ധി​കാ​രി​ക​ൾ ഞ​ങ്ങ​ളെ തി​രി​ഞ്ഞു​നോ​ക്കു​ന്നി​ല്ല. വി​വാ​ഹ​പ്രാ​യ​മാ​യ മ​ക​ൾ ആ​തി​ര​യു​മാ​യി ഞ​ങ്ങ​ൾ എ​ങ്ങോ​ട്ട് പോ​കും?. ഇ​നി ഞ​ങ്ങ​ൾ​ക്ക് ഒ​രു വീ​ട് എ​പ്പോ​ഴാ​ണ് ഉ​ണ്ടാ​വു​ക. സു​ല​ജ ചോ​ദി​ക്കു​ന്നു.