നഷ്ടം ആവർത്തിക്കുമ്പോഴും പ്രശ്നത്തിന് പരിഹാരമില്ല; കണ്ടെയ്നറുകൾകൊണ്ട് പൊറുതിമുട്ടി മത്സ്യത്തൊഴിലാളികൾ

ആ​റാ​ട്ടു​പു​ഴ: ക​ട​ലി​ൽ താ​ഴ്ന്നു​കി​ട​ക്കു​ന്ന ക​ണ്ടെ​യ്ന​റു​ക​ളു​ടെ ഭീ​ഷ​ണി ഒ​ഴി​വാ​കാ​ത്ത​ത് മ​ത്സ്യ​ത്തൊ​ഴി​ലാ​ളി​ക​ളെ തീ​രാ​ദു​രി​ത​ത്തി​ലാ​ക്കു​ന്നു. ക​ണ്ടെ​യ്ന​റു​ക​ളി​ൽ ഉ​ട​ക്കി മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ൾ ന​ശി​ക്കു​ന്ന സം​ഭ​വം ആ​വ​ർ​ത്തി​ക്കു​മ്പോ​ഴും പ്ര​ശ്ന​പ​രി​ഹാ​ര​ത്തി​ന് ഒ​രു ന​ട​പ​ടി​യു​മി​ല്ല.

വ്യാ​ഴാ​ഴ്ച കാ​യം​കു​ളം ഹാ​ർ​ബ​റി​ൽ​നി​ന്ന്​ മ​ത്സ്യ​ബ​ന്ധ​ന​ത്തി​ന് പോ​യ വ​ലി​യ​ഴീ​ക്ക​ൽ കു​ന്നും​പു​റ​ത്ത് വി​ഷ്ണു​വി​ന്റെ ശ്രീ​മു​രു​ക​ൻ വ​ള്ള​ത്തി​ന് ക​ണ്ടെ​യ്ന​റി​ൽ വ​ല ഉ​ട​ക്കി ന​ഷ്ട​മു​ണ്ടാ​യി. ചെ​റി​യ​ഴീ​ക്ക​ൽ തീ​ര​ത്തി​ന് പ​ടി​ഞ്ഞാ​റു ഭാ​ഗ​ത്ത് മ​ത്സ്യ​ബ​ന്ധ​നം ന​ട​ത്തു​ന്ന​തി​നി​ടെ​യാ​ണ് വ​ല ഉ​ട​ക്കി കീ​റി​യ​ത്. 400 കി​ലോ ചൂ​ട വ​ല ന​ശി​ച്ചു. നാ​ലു​ല​ക്ഷം രൂ​പ​യു​ടെ ന​ഷ്ട​മു​ണ്ടാ​യ​താ​യി വി​ഷ്ണു പ​റ​ഞ്ഞു. വ​ട്ട​ച്ചാ​ൽ പു​തു​മ​ണ്ണേ​ൽ സു​രേ​ഷി​ന്റെ പു​തു​മ​ണ്ണേ​ൽ വ​ള്ള​ത്തി​ന് 10 ല​ക്ഷം രൂ​പ​യു​ടെ ന​ഷ്ട​മാ​ണ് ഉ​ണ്ടാ​യ​ത്.

എ​ൻ.​ടി.​പി.​സി​ക്ക്​ പ​ടി​ഞ്ഞാ​റു ഭാ​ഗ​ത്താ​ണ് പു​തു​മ​ണ്ണേ​ൽ വ​ള്ള​ത്തി​ലെ വ​ല കു​രു​ങ്ങി​യ​ത്. 700 കി​ലോ​യാ​ണ് ന​ഷ്ട​പ്പെ​ട്ട​ത്. വ​ട്ട​ച്ചാ​ൽ നാ​ട്ടു​തോ​ട്ടി​ൽ ബാ​ല​കൃ​ഷ്ണ​ന്റെ ശ്രീ​കൃ​ഷ്ണ 100 കി​ലോ​യോ​ളം വ​ല​യും ന​ശി​ച്ചു. മൂ​ന്നു​ല​ക്ഷം രൂ​പ​യു​ടെ ന​ഷ്ട​മു​ണ്ടാ​യി. സു​ര​ക്ഷി​ത​മെ​ന്ന് ക​രു​തി​യ സ്ഥ​ല​ത്ത് മ​ത്സ്യ​ബ​ന്ധ​നം ന​ട​ത്തി​യി​ട്ടും അ​പ​ക​ടം ആ​വ​ർ​ത്തി​ക്കു​ന്ന​ത്​ മ​ത്സ്യ​ത്തൊ​ഴി​ലാ​ളി​ക​ളി​ൽ ആ​ശ​ങ്ക വ​ർ​ധി​പ്പി​ക്കു​ന്നു.

ക​പ്പ​ൽ അ​പ​ക​ട​ത്തെ തു​ട​ർ​ന്ന് ക​ട​ലി​ൽ വീ​ണ ക​ണ്ടെ​യ്ന​റു​ക​ൾ വ​ല​ക​ൾ​ക്ക് ഉ​ട​ക്കാ​യി മാ​റി​യെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. സീ​സ​ണി​ലെ വ​രു​മാ​നം ന​ഷ്ട​പ്പെ​ടു​ന്ന​ത് തൊ​ഴി​ലാ​ളി​ക​ളെ സാ​മ്പ​ത്തി​ക പ്ര​തി​സ​ന്ധി​യി​ലേ​ക്ക് ത​ള്ളി​വി​ടു​ക​യാ​ണ്. പ്ര​ശ്ന​പ​രി​ഹാ​ര​ത്തി​ന് അ​ധി​കാ​രി​ക​ൾ ന​ട​പ​ടി​യെ​ടു​ക്കാ​ത്ത​തി​നെ​തി​രെ മ​ത്സ്യ​ത്തൊ​ഴി​ലാ​ളി​ക​ളു​ടെ പ്ര​തി​ഷേ​ധം ശ​ക്ത​മാ​യി.