മഴയും ക​ട​ലാ​ക്ര​മ​ണ​വും; തീരവാസികൾ ഭീതിയുടെ മുനമ്പിൽ

ആ​റാ​ട്ടു​പു​ഴ: ക​ന​ത്ത മ​ഴ​യും ആ​ഞ്ഞ​ടി​ക്കു​ന്ന കാ​റ്റും ശ​ക്ത​മാ​യ ക​ട​ലാ​ക്ര​മ​ണ​വും തീ​ര​വാ​സി​ക​ളു​ടെ ജീ​വി​തം ദു​സ്സ​ഹ​മാ​ക്കു​ന്നു. തൃ​ക്കു​ന്ന​പ്പു​ഴ, വ​ലി​യ​ഴീ​ക്ക​ൽ തീ​ര​ദേ​ശ റോ​ഡി​ൽ വെ​ള്ള​ക്കെ​ട്ടും മ​ണ​ൽ അ​ടി​ഞ്ഞും ഗ​താ​ഗ​തം ഭാ​ഗി​ക​മാ​യി ത​ട​സ്സ​പ്പെ​ട്ടു. നൂ​റി​ല​ധി​കം വീ​ടു​ക​ളി​ൽ ക​ട​ൽ​വെ​ള്ളം ക​യ​റി. നി​ര​വ​ധി കു​ടും​ബ​ങ്ങ​ൾ ത​ങ്ങ​ളു​ടെ കി​ട​പ്പാ​ടം ന​ഷ്ട​പ്പെ​ടു​മോ എ​ന്ന ഭീ​തി​യി​ലാ​ണ്. മ​ത്സ്യ​ബ​ന്ധ​നം നി​ല​ച്ച​തും ക​ണ്ടെ​യ്ന​ർ മ​റി​ഞ്ഞ​തി​നെ തു​ട​ർ​ന്ന് മ​ത്സ്യ​വ്യാ​പാ​രം ത​ക​ർ​ന്ന​തും തീ​ര​വാ​സി​ക​ളെ പ​ട്ടി​ണി​യി​ലാ​ക്കി.

ആ​റാ​ട്ടു​പു​ഴ, തൃ​ക്കു​ന്ന​പ്പു​ഴ പ​ഞ്ചാ​യ​ത്തു​ക​ളി​ൽ ദു​ർ​ബ​ല​മാ​യ ക​ട​ൽ ഭി​ത്തി​ക​ളെ ത​ക​ർ​ത്ത് തി​ര​മാ​ല​ക​ൾ ക​ര​യി​ലേ​ക്ക് ആ​ഞ്ഞ​ടി​ക്കു​ക​യാ​ണ്. മ​ണ​ൽ​ചാ​ക്കു​ക​ളും ത​ടി​ക​ളും ഉ​പ​യോ​ഗി​ച്ച് വീ​ടു​ക​ൾ സം​ര​ക്ഷി​ക്കാ​നു​ള്ള അ​വ​സാ​ന ശ്ര​മ​ങ്ങ​ളും ശ​ക്ത​മാ​യ ക​ട​ലി​ൽ നി​ഷ്ഫ​ല​മാ​കു​ന്നു. പ​ടി​ഞ്ഞാ​റേ ജു​മാ​മ​സ്ജി​ദി​ന് വ​ട​ക്കു​ഭാ​ഗം മു​ത​ൽ കാ​ർ​ത്തി​ക ജ​ങ്ഷ​ൻ വ​ട​ക്ക് വ​രെ​യും എ.​സി.​പ​ള്ളി മു​ത​ൽ എം.​ഇ.​എ​സ്. ജ​ങ്ഷ​ൻ വ​രെ​യു​മു​ള്ള ഭാ​ഗ​ത്താ​ണ് ക​ട​ലാ​ക്ര​മ​ണം ഏ​റെ അ​നു​ഭ​വ​പ്പെ​ടു​ന്ന​ത്.

വെ​ള്ള​ത്തി​ന്റെ കു​ത്തൊ​ഴു​ക്കി​ൽ ക​ട​ൽ​ത്തീ​ര​ത്തു നി​ന്നും ഏ​റെ അ​ക​ലെ​യു​ള്ള വീ​ടു​ക​ൾ പോ​ലും വെ​ള്ള​ത്തി​ലാ​യി. ചേ​ല​ക്കാ​ട്, പാ​നൂ​ർ പ​ല്ല​ന മേ​ഖ​ല​ക​ളി​ൽ നി​ര​വ​ധി വീ​ടു​ക​ൾ ഏ​തു നി​മി​ഷ​വും ത​ക​ർ​ന്ന​ടി​യാം എ​ന്ന സ്ഥി​തി​യി​ലാ​ണ്. തൃ​ക്കു​ന്ന​പ്പു​ഴ വ​ലി​യ​ഴീ​ക്ക​ൽ തീ​ര​ദേ​ശ റോ​ഡി​ൽ സ്വ​കാ​ര്യ ബ​സു​ക​ൾ അ​ധി​ക​വും സ​ർ​വീ​സ് നി​ർ​ത്തി.