അമ്പലപ്പുഴ: തകഴി പ്രാഥമികാരോഗ്യ കേന്ദ്രത്തിലെ ജീവനക്കാരിക്കുൾപ്പെടെ ആറുപേർക്ക് കോവിഡ്. തിങ്കളാഴ്ച പരിശോധന നടത്തിയ 93 പേരിൽ ആറുപേർക്കാണ് രോഗം സ്ഥിരീകരിച്ചത്. ആശുപത്രിയിലെ ഗ്രേഡ്-2 സ്റ്റാഫായ ഇവർക്കും തകഴിയിലെ മെഡിക്കൽസ്റ്റോർ ഉടമയായ ഭർത്താവിനും രോഗം സ്ഥിരീകരിച്ചു. കഴിഞ്ഞ ബുധനാഴ്ചയാണ് ഇവർ ആശുപത്രിയിൽ ജോലിക്കെത്തിയിരുന്നത്. തുടർന്ന് ഒരാഴ്ച അവധിയായിരുന്നു. പ്രത്യേക മുറിയിലാണ് ഇവർ ജോലി ചെയ്തുവന്നിരുന്നത്. അതുകൊണ്ട് മറ്റ് ജീവനക്കാരുമായി സമ്പർക്കമുണ്ടായിട്ടില്ലെന്ന് മെഡിക്കൽ ഓഫിസർ ഡോ. ഷിബു സുകുമാരൻ പറഞ്ഞു. എങ്കിലും 11 ജീവനക്കാരെയും ആശ പ്രവർത്തകരെയും പരിശോധനക്ക് വിധേയമാക്കി. ഇവരുടെ ഫലം നെഗറ്റിവാണ്. വെൺമണിയിൽ നാല് വാർഡുകളിൽ കോവിഡ് പോസിറ്റിവ് ചെങ്ങന്നൂർ: വെൺമണി പഞ്ചായത്തിലെ നാല് വാർഡുകളിൽ കോവിഡ് പോസിറ്റിവ്. ആറ്, ഒമ്പത് വാർഡുകളിൽ ഒന്നുവീതവും എട്ടിൽ 14ഉം, ഏഴിൽ ഒരു കുടുംബത്തിലെ അഞ്ചുപേർക്കുമാണ് കേസുകൾ റിപ്പോർട്ട് ചെയ്തിട്ടുള്ളത്. ആറ്, എട്ട്, ഒമ്പത് വാർഡുകൾ കെണ്ടയ്ൻമൻെറ് സോണാണ്. അതേസമയം വാർഡ് 13ലെ ഒരു കുടുംബത്തിലെ ബന്ധു മാവേലിക്കര അറനൂറ്റിമംഗലത്ത് മരണമടഞ്ഞിരുന്നു. അവിടെ കാണാൻപോയ നാലുപേർക്ക് രോഗബാധയുണ്ടായി. ഇവരുമായി സമ്പർക്കത്തിലേർപെട്ട രണ്ട് കുടുംബങ്ങളിലെ 11 പേർ നിരീക്ഷണത്തിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.