കൊല്ലം: കോവിഡ് മാനദണ്ഡങ്ങൾ ലംഘിച്ചതിന് 285 കേസുകൾ രജിസ്റ്റർ ചെയ്തതായി സിറ്റി പൊലീസ് അറിയിച്ചു. പൊതുസ്ഥലങ്ങളിൽ മാസ്ക് ധരിക്കാത്തതിന് 306 പേർക്കെതിരേയും നടപടി സ്വീകരിച്ചു. ശുചീകരണ സംവിധാനങ്ങൾ ഒരുക്കാതെയും സാമൂഹിക അകലം പാലിക്കാതെയും വ്യാപാരസ്ഥാപനങ്ങൾ പ്രവർത്തിപ്പിച്ചതിന് 27 കടയുടമകൾക്കെതിരെയും നിബന്ധനകൾ ലംഘിച്ച് വാഹനം നിരത്തിലിറക്കിയ 44 വാഹന ഉടമകൾക്കെതിരെയും നടപടി സ്വീകരിച്ചു. കട്ടമരം തിരയിൽപെട്ടു; മത്സ്യത്തൊഴിലാളിയെ കാണാതായി (ചിത്രം) പരവൂർ: മത്സ്യബന്ധനത്തിനുപോയ ഫൈബർ കട്ടമരം തിരയിൽപെട്ട് മത്സ്യത്തൊഴിലാളിയെ കാണാതായി. പരവൂർ തെക്കുംഭാഗം ആസിഫ് മൻസിലിൽ നസീറിനെയാണ് (45) കാണാതായത്. ഒപ്പമുണ്ടായിരുന്ന തെക്കുംഭാഗം മാണിക്കഴികത്ത് വീട്ടിൽ ഷജീർ നീന്തി കരക്കെത്തി. തീരത്തെത്തിയപ്പോഴേക്കും അവശനായി ഇയാൾ മറ്റ് മത്സ്യത്തൊഴിലാളികളുടെ സഹായത്താലാണ് കരയിലേക്ക് കയറിയത്. ഷജീർ ആശുപത്രിയിൽ ചികിത്സയിലാണ്. തെക്കുംഭാഗം തോട്ടുകുഴി ഭാഗത്തുനിന്ന് രാവിലെ അഞ്ചരയോടെയാണ് ഇവർ കടലിൽ പോയത്. കടലിലിറങ്ങി ഏറെക്കഴിയും മുമ്പ് ശകതമായ തിരയിൽപെട്ട് കട്ടമരം മറിയുകയായിരുന്നു. തിരയിൽപെട്ട കട്ടമരം ദൂരേക്ക് തെന്നിമാറിയതിനാൽ പിടിക്കാൻ കഴിഞ്ഞില്ല. കോസ്റ്റ് ഗാർഡ്, മറൈൻ എൻഫോഴ്സ്മൻെറ്, മറൈൻ പൊലീസ് എന്നിവരും ഫയർഫോഴ്സും ചേർന്നാണ് തിരച്ചിൽ നടത്തിയത്. പരവൂർ പൊലീസും സ്ഥലത്തെത്തി. ഇരുട്ടുംവരെ തിരച്ചിൽ നടത്തിയെങ്കിലും ഫലമുണ്ടായില്ല. തിരച്ചിൽ തിങ്കളാഴ്ച രാവിലെ പുനരാരംഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.