അനുപമ കുഞ്ഞുമായി വഞ്ചിയൂർ കോടതിയ്ക്കു പുറത്ത് വന്നപ്പോൾ ചിത്രം: ബിമൽ തമ്പി
തിരുവനന്തപുരം: കുഞ്ഞിനെ ലഭിച്ച ശേഷം ആദ്യമായി മാധ്യമങ്ങളോടു പ്രതികരിച്ച് അനുപമ. വളരെയധികം സന്തോഷമുണ്ടെന്നു അനുപമ പ്രതികരിച്ചു. 'മാധ്യമങ്ങളുൾപ്പെടെ കൂടെ നിന്ന എല്ലാവരോടും നന്ദിയുണ്ട്. കുഞ്ഞ് വണ്ടിയിലുണ്ട്. ഞാൻ അവന്‍റെ അടുത്തേക്കു പോകുകയാണ്. എല്ലാം വിശദമായി പിന്നീടു പറയാം. കുഞ്ഞിനൊപ്പം ഇരിക്കാനാണ് ഇപ്പോൾ ആഗ്രഹിക്കുന്നത്.' അനുപമ വ്യക്തമാക്കി.
കുഞ്ഞുമായി ശിശുക്ഷേമ സമിതിയിലെ സമരപ്പന്തലിൽ എത്തിയ ശേഷമായിരുന്നു അനുപമയുടെ പ്രതികരണം. അതിനുശേഷം അനുപമ മകൻഎയ്ഡൻ അനു അജിത്തുമായി വീട്ടിലേക്ക് മടങ്ങി.
അതേസമയം, കുഞ്ഞിനെ തിരികെ ലഭിച്ചെങ്കിലും സമരം അവസാനിപ്പിക്കില്ലെന്ന് അനുപമയോട് അടുത്ത വൃത്തങ്ങൾ വ്യക്തമാക്കി. കുറ്റക്കാർക്കെതിരെ നടപടി എടുക്കുന്നതുവരെ സമരം തുടരുമെന്ന് അനുപമയോടൊപ്പം നിൽക്കുന്ന ഐക്യദാർഢ്യസമിതി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.