തിരുവനന്തപുരം: മുല്ലപ്പള്ളി രാമചന്ദ്രന്റെ സ്ത്രീവിരുദ്ധത പരാമർശത്തിൽ അപലപിച്ച് വനിതാ നേതാക്കൾ. വിവാദ പരാമര്ശത്തിനെതിരേ രൂക്ഷ വിമര്ശനവുമായി ആരോഗ്യമന്ത്രി കെ.കെ ശൈലജ രംഗത്തെത്തി. മുല്ലപ്പള്ളിയുടെ ഉള്ളിലുള്ളതാണ് പുറത്ത് വന്നതെന്ന് ആരോഗ്യമന്ത്രി പ്രതികരിച്ചു. അങ്ങേയറ്റം സ്ത്രീവിരുദ്ധമായ പരാമര്ശമാണ് മുല്ലപ്പള്ളി രാമചന്ദ്രനില് നിന്നുമുണ്ടായതെന്നും ഖേദം പ്രകടിപ്പിച്ചതുകൊണ്ടു മാത്രമായില്ലെന്നും അവർ പറഞ്ഞു.
'' ബലാത്സംഗത്തിന് ഇരയാകുന്ന സ്ത്രീകളും പെണ്കുട്ടികളും ആത്മാഭിമാനമുണ്ടെങ്കില് ആത്മഹത്യ ചെയ്യണമെന്ന രീതിയിലുള്ള പരാമര്ശം ഈ സമൂഹത്തിന് അപമാനകരമാണ്.
ആക്രമിക്കപ്പെടുന്ന പെണ്കുട്ടിയുടെ ജീവന് രക്ഷിക്കാനും മറ്റേതൊരു കുറ്റകൃത്യത്തേക്കാളും നീചമായ അക്രമം നടത്തിയയാളെ ശിക്ഷിക്കാനുമാണ് നമ്മള് ആഗ്രഹിക്കുന്നത്. എന്നാല് ഇവിടെ ആത്മാഭിമാനമുണ്ടെങ്കില് ആത്മഹത്യ ചെയ്യുമെന്നും അല്ലെങ്കില് ഇത് ആവര്ത്തിക്കാതിരിക്കാന് ശ്രദ്ധിക്കുമെന്നും പറയുന്നു.
ബലാത്സംഗം മനുഷ്യത്വത്തിനെതിരെയുള്ള കുറ്റകൃത്യമാണ്. മുല്ലപ്പള്ളിയുടെ പരാമർശം സ്ത്രീകളെ ആകെ അപമാനിക്കുന്നതാണ്'' - ശൈലജ പറഞ്ഞു.
മുല്ലപ്പള്ളിക്കെതിരെ നടപടി എടുക്കുമെന്ന് വനിതാ കമ്മിഷൻ ചെയർപേഴ്സൺ എം.സി ജോസഫൈൻ പറഞ്ഞു. ഒരു രാഷ്ട്രീയ നേതാവിൻെറ അന്തസിന് യോജിക്കുന്ന പരാമർശമല്ല മുല്ലപ്പള്ളിയുടേതെന്നും ബലാത്സംഗം എന്താണെന്ന് മുല്ലപ്പള്ളി മനസിലാക്കണമെന്നും ജോസഫൈൻ പറഞ്ഞു.
സ്ത്രീവിരുദ്ധ പാരാമർശങ്ങൾ ആരുടേതാെണങ്കിലും അംഗീകരിക്കാനാവില്ലെന്ന് ഷാനിമോൾ ഉസ്മാനും പ്രതികരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.