തിരുവനന്തപുരം: സംസ്ഥാനത്ത് പുതുതായി 18 പ്രദേശങ്ങളെ കൂടി ഹോട്ട്സ്പോട്ടിൽ ഉൾപ്പെടുത്തി. കാസർകോട് ജില്ലയിലെ കോടോം ബേളൂര്, പാലക്കാട് ജില്ലയിലെ അമ്പലത്തറ, വെള്ളിനേഴി, ഒറ്റപ്പാലം മുന്സിപ്പാലിറ്റി, വല്ലപ്പുഴ, പെരുമാട്ടി, മുണ്ടൂര്, കടമ്പഴിപ്പുറം, കോട്ടയം ജില്ലയിലെ വെള്ളാവൂര്, മീനടം, ആലപ്പുഴ ജില്ലയിലെ പാണ്ടനാട്, ചെങ്ങന്നൂര് മുന്സിപ്പാലിറ്റി, കോഴിക്കോട് ജില്ലയിലെ അഴിയൂര്, ഒഞ്ചിയം, കണ്ണൂര് ജില്ലയിലെ കൂടാളി, കണിച്ചാര്, പെരളശ്ശേരി, പന്ന്യന്നൂര് എന്നിവയാണ് പുതിയ ഹോട്ട് സ്പോട്ടുകള്. നിലവില് ആകെ 55 ഹോട്ട് സ്പോട്ടുകളാണ് ഉള്ളത്.
സംസ്ഥാനത്ത് ഞായറാഴ്ച 53 പേർക്കാണ് കോവിഡ് സ്ഥിരീകരിച്ചത്. തിരുവനന്തപുരം, കണ്ണൂര് ജില്ലകളിലെ 12 പേര്ക്ക് വീതവും മലപ്പുറം, കാസർകോട് ജില്ലകളില് അഞ്ചുപേര്ക്ക് വീതവും, ആലപ്പുഴ, എറണാകുളം, പാലക്കാട് ജില്ലകളിലെ നാലുപേര്ക്ക് വീതവും കൊല്ലം ജില്ലയിലെ മൂന്നുപേര്ക്കും പത്തനംതിട്ടയിൽ രണ്ടുപേര്ക്കും കോഴിക്കോട് ഒരാള്ക്കുമാണ് രോഗം സ്ഥിരീകരിച്ചത്. ഒരു തമിഴ്നാട് സ്വദേശിക്കും രോഗം സ്ഥിരീകരിച്ചു.
18 പേര് വിദേശത്ത് നിന്നും (ഒമാന്-മൂന്ന്, യു.എ.ഇ-11, സൗദി അറേബ്യ -3, കുവൈത്ത് -ഒന്ന്) 29 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-19, ഗുജറാത്ത് -അഞ്ച്, തമിഴ്നാട് -മൂന്ന്, ഡല്ഹി -ഒന്ന്, മധ്യപ്രദേശ് -ഒന്ന്) വന്നതാണ്. അഞ്ചുപേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതില് ഒരാള് പാലക്കാട് ജില്ലയിലെ ആരോഗ്യ പ്രവര്ത്തകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.