ക​ക്കാ​ടം​പൊ​യി​ൽ ആദിവാസി യുവാവിന്‍റെ മരണം ആർ.ഡി.ഒ അന്വേഷിക്കും

മലപ്പുറം: ക​ക്കാ​ടം​പൊ​യിലി​ൽ ആദിവാസി യുവാവ് സു​രേ​ഷ് (23) മരിച്ച സംഭവത്തിൽ അന്വേഷണത്തിന് ഉത്തരവ്. പെരിന്തൽമണ്ണ ആർ.ഡി.ഒക്ക് അന്വേഷണ ചുമതല നൽകി ജില്ലാ കലക്ടറാണ് ഉത്തരവിട്ടത്. ഉടൻ റിപ്പോർട്ട് നൽകാനാണ് ഉത്തരവിൽ നിർദേശിക്കുന്നത്. 

ഫാമിൽ ജോലിക്ക് പോയ യുവാവ് അപസ്മാരം വന്ന് മരത്തിൽ നിന്ന് വീണ് മരിച്ചെന്നാണ് സ്ഥ​ലം ഉടമ ബന്ധുക്കളെ അറിയിച്ചത്. എ​ന്നാ​ൽ, ശ​രീ​ര​ത്തി​ൽ മു​റി​വു​ക​ളു​ണ്ടാ​യി​രു​ന്നെ​ന്നും മരണ വി​വ​രം കു​ടും​ബ​ത്തെ​യും നാ​ട്ടു​കാ​െ​ര​യും അ​റി​യി​ക്കാ​തെ ഏ​റെ നേ​രം മ​റ​ച്ചു​വെ​ച്ചെ​ന്നും നാ​ട്ടു​കാ​ർ ആരോപിച്ചു. 

മ​ര​ണ​ത്തി​ൽ ദു​രൂ​ഹ​ത​യു​െ​ണ്ട​ന്ന് കാ​ണി​ച്ച്​ മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ സാ​ബു അ​റ​ക്ക​ൽ ജി​ല്ലാ ക​ല​ക്ട​ർ​ക്ക്​ പ​രാ​തി ന​ൽ​കുകയായിരുന്നു. കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആശു​പ​ത്രി​യി​ലാ​ണ് പോ​സ്‌​റ്റ്മോ​ർ​ട്ടം ന​ട​ത്തി​യ​ത്. പോ​സ്‌​റ്റ്മോ​ർ​ട്ടം നടത്തിയ ഡോക്ടറുടെ മൊഴി രേഖപ്പെടുത്തുമെന്നും അധികൃതർ അറിയിച്ചു. 

ക​രി​മ്പ ആ​ദി​വാ​സി കോ​ള​നി​യി​ൽ രാ​മ​ൻ​കു​ട്ടി​യു​ടെ​യും ചി​ന്നു​വി​ന്‍റെയും മ​ക​നാണ് സുരേഷ്. 


 

Tags:    
News Summary - Kakkadampoyil Tribal Man death: Malappuram Collector order to Investigation -Kerala News

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.