ദോഹ: ദോഹയിൽ നിന്ന് കേരളത്തിലേക്കുള്ള വിമാനസർവിസ് ജെറ്റ് എയർവേസ് ഡിസംബർ മൂന്ന് മുതൽ നിർത്തും. കോഴിക്കോട്, തിരുവനന്തപുരം, കൊച്ചി എന്നിവിടങ്ങളിലേക്കുള്ള നേരിട്ടുള്ള സർവിസുകളാണ് നിർത്തുന്നത്.
സാമ്പത്തിക നഷ്ടത്താലാണ് പുതിയ തീരുമാനമെന്നും മറ്റ് ഇന്ത്യൻ നഗരങ്ങളിലേക്കുള്ള സർവിസുകൾ ഇതോടെ ശക്തിപ്പെടുത്തുമെന്നും ജെറ്റ് എയർവേസ് അധികൃതർ പറയുന്നു.കേരളത്തിലേക്കുള്ള യാത്രക്കാർ ഏറെ ആശ്രയിച്ചിരുന്ന സർവിസായിരുന്നു ജെറ്റ് എയർവേസിേൻറത്. കഴിഞ്ഞ സെപ്റ്റംബർ മാസത്തെ കണക്ക് പ്രകാരം 12.61 ശതകോടിയുടെ നഷ്ടമാണ് കമ്പനിക്കുള്ളത്.
ഇതിനെ തുടർന്നാണ് കേരളത്തിലേക്കുള്ള സർവിസ് നിർത്താനും മുംബൈ, ഡൽഹി സർവിസുകൾ കൂടുതൽ ശക് തിപ്പെടുത്താനും തീരുമാനമായത്. ഡിസംബർ അഞ്ച് മുതൽ ഇൗ റൂട്ടിൽ പുതിയ സർവിസുകൾ വരും. ദോഹ–മുംബൈ (രാത്രി 10.55), മുംബൈ–ദോഹ (രാത്രി 8.30), ദോഹ–ഡൽഹി (പുലർച്ചെ 2.50), ഡൽഹി–ദോഹ (രാത്രി 11.55) എന്നീ സർവിസുകളാണ് ഇവ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.