ബാബരി തകർത്തിട്ടില്ലെന്ന്​​ പറയുന്ന പോലെയാണ്​ വിധി, സി.ബി.ഐ അപ്പീൽ പോകണം -ലീഗ്​

മലപ്പുറം: ബാബരി മസ്ജിദ് തകർത്ത കേസിൽ ഗൂഢാലോചനക്ക് തെളിവില്ലെന്ന സി.ബി.ഐ പ്രത്യേക കോടതി വിധിക്ക്​​ പിന്നാലെ പ്രതികരണവുമായി മുസ്​ലിം ലീഗ്​. അന്വേഷണ ഏജൻസിതന്നെ അപ്പീൽ പോകണമെന്നും എല്ലാവരും സമാധാനവും മതസൗഹാർദവും കാത്തുസൂക്ഷിക്കണമെന്നും മുസ്​ലിംലീഗ്​ സംസ്ഥാന അധ്യക്ഷൻ ഹൈദരലി ശിഹാബ്​ തങ്ങൾ പ്രതികരിച്ചു.

നിയമവിരുദ്ധ പ്രവർത്തനം നടന്നുവെന്ന്​ സുപ്രീംകോടതി തന്നെ പറഞ്ഞതാണ്​. അന്വേഷണ ഏജൻസി കുറ്റക്കാരെ കണ്ടെത്തിയതാണ്​. എന്നിട്ടും വെറുതെവിടുന്ന വിധി പ്രതീക്ഷിച്ചില്ല. ബാബ​രി മസ്​ജിദ്​ തകർത്തിട്ടുതന്നെയില്ലെന്നും പള്ളി ഇപ്പോഴും നിലനിൽക്കുന്നു എന്ന്​ പറയുംപേ​ാലെയാണ്​ വിധിയെന്നും​ പി.കെ കുഞ്ഞാലിക്കുട്ടി അഭിപ്രായപ്പെട്ടു.പള്ളി തകർക്കു​േമ്പാൾ പ്രതികളെല്ലാം അവിടെയുണ്ടായിരുന്നു. അത്​ ലോകം കണ്ടതാണെന്നും കുഞ്ഞാലിക്കുട്ടി കൂട്ടിച്ചേർത്തു.