കേളകം: മാവോവാദികളെ കണ്ടെത്താൻ കണ്ണൂർ ജില്ലയിലെ മലയോര മേഖലകളിൽ ഹെലികോപ്ടർ നിരീക്ഷണം. സംസ്ഥാന സർക്കാർ വാടകക്കെടുത്ത ഹെലികോപ്ടറിലാണ് മണിക്കൂറുകൾ നീണ്ട തിരച്ചിൽ നടത്തിയത്. ആറളം-കൊട്ടിയൂർ വനമേഖലകളിൽ ഇരിട്ടി എ.എസ്.പി തപോഷ്‌ബസു മതാരിയുടെ നേതൃത്വത്തിലായിരുന്നു ആകാശ നിരീക്ഷണം.
മാനന്തവാടി-തലപ്പുഴ കമ്പമലയിൽ ദിവസങ്ങൾക്കുമുമ്പ് വനവികസന കോർപറേഷൻ ഡിവിഷൻ ഓഫിസ് അടിച്ചു തകർത്തതോടെയാണ് മേഖലയിൽ നിരീക്ഷണം ശക്തമാക്കിയത്. ഏതാനും ദിവസംകൂടി വനാതിർത്തി മേഖലകളിൽ ഹെലികോപ്ടർ ഉപയോഗിച്ച് പരിശോധന നടത്തും. വയനാട് തലപ്പുഴ-കമ്പമല പ്രദേശങ്ങളിൽനിന്ന് മാവോവാദികൾ ആറളം, കൊട്ടിയൂർ മേഖലകളിലേക്ക് കടക്കാനുള്ള സാധ്യത മുൻനിർത്തി മേഖലയിൽ തണ്ടർബോൾട്ട് സേനയെയും നിയോഗിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.