തിരുവനന്തപുരം: അറബിക്കടലിൽ രൂപപ്പെട്ട 'വായു' ചുഴലിക്കാറ്റ് ഗുജറാത്ത് തീരത്തേക്ക് നീങ്ങുന്നു. ഇതേതുടർന്ന് കേ രളത്തിൽ ശക്തമായ മഴ തുടരുകയാണ്. ഒമ്പത് ജില്ലകളിൽ യെല്ലോ അലർട്ട് പ്രഖ്യാപിച്ചു. കേരള തീരത്ത് കടൽ പ്രക്ഷുബ്ധമാകു മെന്നും 4.5 മീറ്റർ ഉയരത്തിൽ തിരമാലകൾക്ക് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. മത്സ ്യത്തൊഴിലാളികൾ കടലിൽ പോകരുതെന്നും മുന്നറിയിപ്പുണ്ട്.
കേരള, കർണാടക, ഗുജറാത്ത് തീരങ്ങളിലും ലക്ഷദ്വീപിലുമടക്കം ജാഗ്രതാ നിർദേശം പുറപ്പെടുവിച്ചു. തിരുവനന്തപുരം, കൊല്ലം, ആലപ്പുഴ, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലാണ് യെല്ലോ അലർട്ട് പ്രഖ്യാപിച്ചത്. അടുത്ത ദിവസങ്ങളിലും കേരളത്തിൽ മഴ തുടരുമെന്നതിനാൽ മലപ്പുറം, കോഴിക്കോട്, കണ്ണൂർ ജില്ലകളിൽ ബുധനാഴ്ച ഓറഞ്ച് അലർട്ടായിരിക്കും.
ലക്ഷദ്വീപിനോട് ചേർന്ന് രൂപപ്പെട്ട ന്യൂനമർദമാണ് ചുഴലിക്കാറ്റായി മാറിയത്. മണിക്കൂറിൽ 140 കി.മീ വേഗത്തിൽ വീശുന്ന കാറ്റ് ഗുജറാത്ത്, പോർബന്തർ, കച്ച് തീരത്തേക്കാണ് നീങ്ങുന്നത്. ചുഴലിക്കാറ്റ് കടന്നു പോകുന്ന മഹാരാഷ്ട്ര, ഗോവ സംസ്ഥാനങ്ങളിലും ജാഗ്രതാ നിർദേശമുണ്ട്.
അതേസമയം, കേരളത്തിന്റെ തീരപ്രദേശങ്ങളിൽ പലയിടത്തും കടലാക്രമണം രൂക്ഷമായി. ജലനിരപ്പ് ഉയർന്നതിനെ തുടർന്ന് അരുവിക്കര ഡാമിന്റെ ഷട്ടർ തുറന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.