നിലവിളി നിലക്കാതെ ചാലക്കുടി; എ​ത്തി​പ്പെ​ടാ​ൻ ക​ഴി​യാ​ത്ത പ്ര​ദേ​ശ​ങ്ങ​ൾ അ​ന​വ​ധി

തൃശൂർ: ചാലക്കുടിയുടെ നിലവിളി തൃശൂരി​​​​െൻറ വേദനയാവുകയാണ്​. ഒറ്റപ്പെട്ട തുരുത്തുകളിൽ കുടുങ്ങിയവർക്ക്​ ​ൈകയും കണക്കുമില്ല. രക്ഷാപ്രവർത്തനം പരമാവധി നടക്കു​േമ്പാഴും എത്തിപ്പെടാൻ കഴിയാത്ത പ്രദേശങ്ങൾ അനവധി. മാധ്യമ സ്​ഥാപനങ്ങളിലേക്ക്​ ഉൾപ്പെടെ വിളിയും സ​ന്ദേശവും നിരന്തരം വരുന്നു. ‘ഞങ്ങളിവിടെയുണ്ട്​, ആരെയെങ്കിലും അറിയിക്കാമോ, ആരെങ്കിലും രക്ഷിക്കുമോ’....​ൈദന്യതയാർന്ന സന്ദേശങ്ങൾ. ബാറ്ററി തീർന്ന്​, മൊബൈൽ ഫോൺ പ്രവർത്തനരഹിതമായി ഒന്നു വിളിച്ചു പറയാൻ പോലും നിർവാഹമില്ലാതെ ഭീതിയോടെ കഴിയുന്നവർ വേറെ.

വ്യാഴാഴ്​ച അർധരാത്രിയോടെ ചാലക്കുടിയിലേക്ക്​ ജലപ്രവാഹം ശക്തമായി. പട്ടണം ഇപ്പോൾ ആർക്കും അടുക്കാനാവാത്ത ഒരു തുരുത്താണ്​. അതിനകത്തുതന്നെ കുറേ തുരുത്തുകൾപോലെ ചില പ്രദേശങ്ങൾ. അവിടെ കുടുങ്ങിയ അനവധി പേർ. ഇന്നലെ മൂന്നു ഹെലികോപ്​ടറുകൾ രക്ഷാപ്രവർത്തനത്തിന്​ ഇറങ്ങി. ഉച്ചയോടെ 26 പേരെ രക്ഷിച്ച്​ തൃശൂർ കുട്ടനെല്ലൂരിൽ എത്തിച്ചു. നേവിയുടേയും ഫിഷറീസ്​ വകുപ്പി​േൻറയും 35 ബോട്ടുകൾ രക്ഷാപ്രവർത്തനത്തിലുണ്ട്​. കുണ്ടൂരിൽ ഒ​േട്ടറെപ്പേരെ പാർപ്പിച്ച ദുരിത്വാശ്വാസ ക്യാമ്പിൽ വെള്ളം കയറി. മറ്റൊരിടത്ത്​ 50 പൊലീസുകാർതന്നെ കുടുങ്ങി. സ​​​െൻറ്​ ​െജയിംസ്​ ആശുപത്രിയും നഴ്​സിങ്​ സ്​കൂളും പ്രളയത്തിലകപ്പെട്ടു. ഇൗ പ്രളയത്തി​​​​െൻറയും ഒറ്റപ്പെടലി​​​​െൻറയും രക്തസാക്ഷികളായി കണ്ണമ്പുഴയിലെ ഏലിക്കുട്ടിയും മകൻ ആൻസണും. ഇന്നലെ രാവിലെ വീടു തകർന്നാണ്​ അവർ മരിച്ചത്​.

ചാലക്കുടിയിലേക്ക്​ പ്രവേശിക്കാൻ ഇപ്പോൾ പോട്ട-പനമ്പിള്ളി കോളജ്​-ചൗക്ക-പള്ളി-വെള്ളിക്കുളം റോഡ്​ മാത്രം. ഇൗ വഴിയിലാക​െട്ട പലായനം ചെയ്യുന്നവരുടെ തിരക്കാണ്​. ടൗൺ മുങ്ങിക്കിടക്കുന്നു. വ്യാപാര സ്​ഥാപനങ്ങളില്ല, വാഹനങ്ങളില്ല. അവശ്യ സാധനങ്ങൾ കിട്ടാതെ അനുഭവിക്കുന്ന ദുരിതമാണ്​ മറ്റൊന്ന്​. താഴ്​ന്ന പ്രദേശങ്ങളിലെ ദുരിതാശ്വാസ കേന്ദ്രങ്ങളെല്ലാം വെല്ലുവിളി നേരിടുകയാണ്​. ഹെല​ികോപ്​ടറിൽ രക്ഷപ്പെടുത്തുന്നതിനു പുറമെ ഭക്ഷണവും എത്തിക്കുന്നുണ്ട്​. പക്ഷെ, അത്​ കിട്ടാത്തവർ അനവധിയുണ്ടെന്ന്​ മനസ്സിലാക്കുന്നുവെന്ന്​ കലക്​ടർ ടി.വി. അനുപമ പറയുന്നു. ഇടമലയാറി​​​​െൻറയും ഇടുക്കിയുടെയും ആളിയാറി​​​​െൻറയും ജലപ്രവാഹം വന്നു പതിച്ച്​ നിലയില്ലാക്കയത്തിൽ അകപ്പെട്ട അവസ്​ഥയിലാണ്​ ചാലക്കുടി.


മഴ തൃശൂരിൽ
*കുറാഞ്ചേരി ഉരുൾപൊട്ടൽ: ആറ്​ മൃതദേഹം കൂടി കണ്ടെടുത്തു
*ചാലക്കുടിയിൽ വീടിടിഞ്ഞ്​ അമ്മയും മകനും മരിച്ചു
*കൊടുങ്ങല്ലൂർ ആല ഗോതുരുത്തിൽ യുവാവ്​ മുങ്ങി മരിച്ചു
കാഞ്ഞിരശേരിയിൽ ഉരുൾപൊട്ടൽ: ഒരാൾ മരിച്ചു
*ദേശമംഗലം പള്ളം ഉര​ുൾപൊട്ടൽ:ഒരു മൃതദേഹം കൂടി കണ്ടെടുത്തു.
*ഒറ്റപ്പെട്ട്​ ആയിരങ്ങൾ
*തൃശൂർ-പാലക്കാട്​ ദേശീയപാത അടഞ്ഞുതന്നെ
*തൃശൂരിൽനിന്ന്​ ഷൊർണൂർ, കോഴിക്കോട്​, ഗുരുവായൂർ, എറണാകുളം റൂട്ടിലും ബസ്​ സർവീസില്ല
*ട്രെയിൻ ഗതാഗതവും സ്​തംഭനത്തിൽ
*ചാലക്കുടിയിൽ കൂടുതൽ കോപ്​റ്ററും ബോട്ടും

ചാലക്കുടിയിൽ വീടിടിഞ്ഞ്​ അമ്മയും മകനും മരിച്ചു; കൊടുങ്ങല്ലൂരിൽ യുവാവ്​ മുങ്ങിമരിച്ചു
ചാലക്കുടി/കൊടുങ്ങല്ലൂർ: പ്രളയക്കെടുതിയിൽപെട്ട ചാലക്കുടിയിൽ വീട്​ തകർന്നു വീണ്​ അമ്മയും മകനും മരിച്ചു. കൊടുങ്ങല്ലൂർ ആല ഗോതുരുത്തിൽ യുവാവ്​ മുങ്ങിമരിച്ചു. വെള്ളിയാഴ്​ച രാവിലെയാണ്​ ചാലക്കുടി കണ്ണമ്പുഴയിൽ വീട്​ തകർന്നത്​. കോട്ടാറ്റ്​ കണ്ണമ്പുഴ ഏലിക്കുട്ടിയും (75) മകൻ ആൻസണുമാണ്​ (45) മരിച്ചത്​. ജോജോ എന്ന ആൻസൺ ചാലക്കുടിയിൽ പ്ലാസ്​റ്റിക്​ സാമഗ്രികളുടെ വ്യാപാരിയാണ്​. ഇവർ താമസിച്ച വീട്​ വെള്ളക്കെട്ടിലാണ്​. വീടി​ന്​ കാലപ്പഴക്കമില്ല. മൂന്നു ദിവസമായി വെള്ളത്തിൽ അകപ്പെട്ടു കിടക്കുന്ന വീട്​ ദുർബലമായതായിരിക്കും കാരണമെന്ന്​ കരുതുന്നു. ദുരന്തം ഏറ്റവുമധികം ബാധിച്ച ചാലക്കുടിയിൽ ഇതുപോലെ നിരവധി കുടുംബങ്ങൾ ​രക്ഷാപ്രവർത്തകരെ കാത്തുകഴിയുന്നുണ്ട്​.

ഏലിക്കുട്ടിയെയും അമ്മയെയും തകർന്ന വീടി​​​​െൻറ അവശിഷ്​ടങ്ങൾക്കിടയിൽനിന്ന്​ ഏറെ പ്രയാസപ്പെട്ടാണ്​ പുറത്തെടുത്തത്​. ചാലക്കുടി സ​​​െൻറ്​ ​ജെയിംസ്​ ആശുപത്രി വെള്ളക്കെട്ടിൽ അകപ്പെട്ടതിനാൽ കുഴിക്കാട്ടുശ്ശേരിയിലെ മറിയം തെരേസ ആശുപത്രിയിലേക്കാണ്​ ഇവരെ കൊണ്ടുപോയത്​. അവിടെ എത്തു​േമ്പാ​േഴക്കും മരി​െച്ചന്ന്​ ആശുപത്രി വൃത്തങ്ങൾ അറിയിച്ചു. ഇവരോടൊപ്പമുണ്ടായിരുന്ന ഒരാളെ പരിക്കുകളോടെ ഇരിങ്ങാലക്കുട സഹകരണ ആശുപത്രിയിലേക്ക്​ മാറ്റി.

ആല ഗോതുരുത്തിൽ പനങ്ങാട്ടയിൽ ശരത്താണ്​ (30) ​ മുങ്ങിമരിച്ചത്​. വെള്ളിയാഴ്​ച പുലർച്ചെയാണ്​ ദുരന്തം. കനോലി കനാൽ കര കവിഞ്ഞ പ്രദേശമാണിത്​. ഇവിടെ റോഡിൽ കഴുത്തിനൊപ്പം വെള്ളം ഉയർന്നിട്ടുണ്ട്​. ആല വാസുദേവ വിലാസം ദുരിതാശ്വാസ ക്യാമ്പിൽ കഴിയുന്ന ശരത്ത്​ വസ്​ത്രങ്ങളെടുക്കാൻ വീട്ടിലേക്ക്​ നീന്തിപ്പോകു​േമ്പാഴാണ്​ ഒഴുക്കിൽപെട്ട്​ മുങ്ങിയത്​.

കുറാഞ്ചേരി ഉരുൾപൊട്ടൽ; ആറ്​ മൃതദേഹങ്ങൾ കൂടി കണ്ടെത്തി
വടക്കാഞ്ചേരി: നാടിനെ നടുക്കിയ കുറാഞ്ചേരി ഉരുൾപൊട്ടലിൽ ആറു മൃതദേഹങ്ങൾ കൂടി കണ്ടെത്തി. കുറാഞ്ചേരി മുണ്ടപ്ലാക്കൽ പൗലോസി​​​​െൻറ മകൻ ഷാജി (56), പച്ചക്കറി കട ഉടമ കുറാഞ്ചേരി കുന്നുംകുഴി അയ്യപ്പൻ നായരു​െട മകൻ മോഹനൻ (52), ഭാര്യ ആശ (45),  കഴിഞ്ഞ ദിവസം മരിച്ച ജെൻസ​​​​െൻറ മക്കളായ  മോസസ്​ (10), അനോഘ്​ (7),    സുമിയുടെ പിതാവ്​ ഫ്രാൻസിസ്​  (65) എന്നിവരുടെ  മൃതദേഹമാണ്​ വെള്ളിയാഴ്​ച കണ്ടെത്തിയത്​.  ഇതോടെ കുറാഞ്ചേരി ഉരുൾപൊട്ടലിൽ മരിച്ചവരുടെ എണ്ണം 18 ആയി. ജെൻസ​​​​െൻറ ഭാര്യ സുമിതക്കായി തെരച്ചിൽ തുടരുകയാണ്​.

കുറാഞ്ചേരി പാറക്കോട്ടിൽ സജി (42), ഭാര്യ ജോളി (33), മക്കളായ മെൽവിൻ (ഒമ്പത്​), കാതറിൻ (ആറ്​),  ബൈക്ക്​ യാത്രികനായ ബാലകൃഷ്​ണൻ (50),മറ്റൊരു യാത്രികനായ വിനോദ്​ (29) എന്നിവരെയാണ്​  ഗുരുതര പരിക്കുകളോടെ മുളങ്കുന്നത്തുകാവ്​ ഗവ. മെഡിക്കൽ കോളജിൽ പ്രവേശിപ്പിച്ചത്​. ഇതിൽ  സാരമല്ലാത്ത പരിക്കേറ്റ വിനോദ്​ പ്രാഥമിക ശുശ്രൂഷക്ക്​ ശേഷം വ്യാഴാഴ്ച തന്നെ ആശുപത്രി വിട്ടിരുന്നു.  കഴിഞ്ഞ 25 മണിക്കൂറിൽ അധികമായി സംസ്​ഥാനപാതയിൽ ഗതാഗതം തടസ്സ​െപ്പട്ടിരിക്കുകയാണ്​. 

വ്യാഴാഴ്​ച രാത്രി 9.30 വരെയാണ്​ ​തിരച്ചിൽ തുടർന്നത്​.വെള്ളിയാഴ്​ച രാവിലെ 7.45ന്​ ​തിരച്ചിൽ വീണ്ടും  തുടങ്ങി. അഞ്ചുവീടും തട്ടുകട അടക്കം മൂന്നുകടകളും പൂർണമായി തകർന്നു. വ്യാഴാഴ്​ച്ച രാവിലെ 6.45ഒാടെയാണ്​ പത്താഴക്കുണ്ട്​ ഡാമിലേക്കുള്ള റോഡിൽ ഇടതുവശത്തായി ശക്​തമായ​ ഉരുൾപൊട്ടൽ ഉണ്ടായത്​. മണ്ണ്​ ശക്​തമായി ഇടിഞ്ഞുവീണ്​ ഇൗ ഭാഗത്തെ നാലുവീടുകളും മൂന്നുകടകളും പൂർണമായി തകർന്നു. ഇൗ വീടുകളിൽ കഴിഞ്ഞവരാണ്​ മരിച്ചവരും കാണാതായവരും പരിക്കേറ്റവരും. കനത്ത മണ്ണിടിച്ചിലിൽ ഇൗ വീടുകൾ പൂർണമായി തകർന്ന്​ ഒലിച്ചുപോവുകയായിരുന്നു.

ഉരുൾപൊട്ടലി​​​​െൻറ ആഘാതത്തിൽ റോഡി​​​​െൻറ അപ്പുറത്തെ ഭാഗത്തുള്ള വീടി​​​​െൻറ മുൻവശവും തകർന്നു. വലിയ മുഴക്കത്തോടെ വൻമരങ്ങളും, പാറക്കല്ലുകളും കൂട്ടത്തോടെ താഴേക്ക് പതിക്കുകയായിരുന്നു.  രക്ഷാപ്രവർത്തനത്തിന് ആർമിയുടെ പ്രത്യേക സംഘമെത്തിയിട്ടുണ്ട്. സിറ്റി പൊലീസ് കമീഷണർ യതീഷ് ചന്ദ്രയുടെ നേതൃത്വത്തിൽ രക്ഷാപ്രവർത്തനങ്ങൾ ഏകോപിപ്പിച്ചു.

മഴക്ക്​ നേരിയ ശമനം; രക്ഷാപ്രവർത്തനം ഉൗർജിതം
വ്യാഴാഴ്​ച ഉരുൾപൊട്ടലുണ്ടായ വടക്കാഞ്ചേരി കുറാഞ്ചേരിയിൽ ആറു മൃതദേഹംകൂടി കണ്ടെത്തി. ഇതോടെ മരണസംഖ്യ 18 ആയി. ഒരാൾക്ക​​ു വേണ്ടി തിരച്ചിൽ തുടരുകയാണ്​. ദേശമംഗലം പള്ളം കൊറ്റമ്പത്തൂരാണ്​ വ്യാഴാഴ്​ച ഉരുൾപൊട്ടിയ മറ്റൊരു പ്രദേശം. ഒരാളുടെ മൃതദേഹം കണ്ടെത്തി. വ്യാഴാഴ്​ച രണ്ട്​ മൃതദേഹം കണ്ടെത്തിയിരുന്നു. കാണാതായ ഒരാൾക്ക്​ വേണ്ടി തിരച്ചിൽ തുടരുകയാണ്​.

വെള്ളിയാഴ്​ച ചാലക്കുടിയിൽ വീട്​ ഇടിഞ്ഞുവീണ്​ വയോധികയായ അമ്മയും മകനും മരിച്ചു. ​െകാടുങ്ങല്ലൂ​ർ ആല ഗോതുരുത്തിൽ യുവാവ്​ മുങ്ങി മരിച്ചു.മുള്ളൂർക്കര കാഞ്ഞിരശ്ശേരിയിൽ ഉരുൾപൊട്ടി മണ്ണിനടിയിൽപെട്ട് യുവാവ് മരിച്ചു. മുള്ളൂർക്കര കാഞ്ഞിരശ്ശേരി ചക്ക്യാത്ത് എഴുത്തച്​ഛൻ വീട്ടിൽ ശിവശങ്കര​​​​െൻറ മകൻ രാധാകൃഷ്ണനാണ്​ (38) മരിച്ചത്.  ഒറ്റപ്പെട്ടുപോയ ചാലക്കുടിയിൽനിന്ന്​ ജനങ്ങളെ രക്ഷിക്കാൻ പ്രവർത്തനം ഉൗർജിതമാണ്​. ഇന്നലെ രണ്ട്​ കോപ്​ടർ രക്ഷാപ്രവർത്തനത്തിനും ഒരു കോപ്​ടർ ഭക്ഷണ വിതരണത്തിനും എത്തിച്ചു. കോപ്​ടറിൽ ഒഴിപ്പിച്ചവരെ തൃശൂർ കുട്ടനെല്ലൂരിലെ ക്യാമ്പിൽ എത്തിച്ചു. അതേസമയം, ​രക്ഷാപ്രവർത്തകരെയും ഭക്ഷണവും കാത്ത്​ ഇനിയും ആയിരക്കണക്കിനാളുകൾ ജില്ലയുടെ വിവിധ ഭാഗങ്ങളിലുണ്ട്​.

ചാലക്കുടിയെപ്പോലെ തൃശൂർ നഗരവും ഒറ്റപ്പെട്ട അവസ്​ഥ തുടരുകയാണ്​. തൃശൂരിൽനിന്ന്​ പാലക്കാട്​, കോഴിക്കോട്​, ഗുരുവായൂർ, എറണാകുളം, ഷൊർണൂർ എന്നിവിടങ്ങളിലേക്കുള്ള പാതകളെല്ലാം അടഞ്ഞുതന്നെ. കഴിഞ്ഞ ദിവസം മണ്ണിടിഞ്ഞ്​ ഒരാൾ മരിച്ച മണ്ണുത്തി-വടക്കഞ്ചേരി ദേശീയപാതയിലെ കുതിരാനിൽ മണ്ണു മാറ്റൽ തുടരുകയാണ്​. ഗതാഗതം സുഗമമാവാൻ ഇനിയും ദിവസമെടുക്കും. പാലിയേക്കര, കൊടകര, ചാലക്കുടി എന്നിവിടങ്ങളിൽ റോഡിൽ വെള്ളം കയറിയതാണ്​ എറണാകുളവുമായുള്ള ബന്ധം മുറിച്ചത്​. ട്രെയിൻ ഗതാഗതവും പുനരാരംഭിച്ചിട്ടില്ല. കോഴിക്കോട്​ റോഡിൽ കേച്ചേരി-ചൂണ്ടൽ ഭാഗത്ത്​ വിള്ളൽ പ്രത്യക്ഷപ്പെട്ടു.

സ്വകാര്യ ബസുകളും ഒാടുന്നില്ല. ഇന്ധനക്ഷാമം രൂക്ഷമാണ്​. കടകൾ തുറക്കുന്നില്ല. നിത്യോപയോഗ സാധനങ്ങൾക്ക്​ ക്ഷാമം നേരിടുന്നുണ്ട്​. ജീവനക്കാർക്ക്​ എത്താൻ കഴിയാത്തത്​ ആശുപത്രികളുടെ സേവനത്തെ​പ്പോലും ബാധിക്കുന്നുണ്ട്​.

ചാലക്കുടി നഗരവും പരിസരങ്ങളും മുങ്ങി
ചാലക്കുടി: പുഴയിൽനിന്ന്​ വെള്ളം കയറി ചാലക്കുടി നഗരമാകെ വെള്ളക്കെട്ടിലായി. സൗത്ത്​ ജങ്​ഷൻ മുതൽ നോർത്തും കടന്ന്​ ആശ്രമം ജങ്​ഷൻ വരെ മു​േട്ടാളം വെള്ളത്തിലാണ്​. ചാലക്കുടി ബസ്​ സ്​റ്റാൻഡ്​, ചന്ത തുടങ്ങി പ്രധാന സ്​ഥലങ്ങളിലും വ്യാപാര സ്​ഥാപനങ്ങളിലും വെള്ളം കയറി. നഗരസഭയുടെ 70 ശതമാനം പ്രദേശവും മുങ്ങി. സമീപ പഞ്ചായത്തുകളായ​ പരിയാരം, കൊരട്ടി, കാടുകുറ്റി എന്നിവിടങ്ങൾ 80 ശതമാനവും വെള്ളത്തിലാണ്​. വ്യാഴാഴ്​ച രാവിലെ മുതൽ പുഴയിൽ നിന്ന്​ വെള്ളം ഉയർന്ന്​ മാർക്കറ്റ്​ റോഡിലൂടെയും വെട്ടുകടവ്​ റോഡിലൂടെയും ഷാപ്പ്​ റോഡിലൂടെയും നഗരത്തിലേക്ക്​ ഒഴുകി എത്തിയതാണ്​ വിനയായത്​.

വെള്ളം ശക്​തമായി നഗരഹൃദയമായ മെയിൻ റോഡിലേക്ക്​ എത്തുകയും കോൺവൻറ്​ കടിച്ചീനി റോഡിലൂടെ പോസ്​റ്റ്​ ഒാഫിസിന്​ സമീപം റെയിൽവേ സ്​റ്റേഷനിൽ എത്തി. ആട്ടതോട്​ ജങ്​ഷൻ നിറഞ്ഞൊഴുകി. ദേശീയ പാതയിലേക്ക്​ മുട്ടുന്ന ട്രാംവേ റോഡ്​ മുങ്ങിപ്പോയി. മാള റോഡിൽ കാർമൽ സ്​കൂൾ, എസ്​.എച്ച്​ കോളജ്​, ​േകാട്ടാറ്റ്​, അണ്ണല്ലൂർ പഴയതോട്​ ഭാഗം എന്നിവിടങ്ങളിൽ വെള്ളം പൊങ്ങി. കെ.എസ്.ആർ.ടി.സി റോഡ്​, പഴയ ദേശീയപാത ഇടിക്കൂട്​ പാലം വരെ വെള്ളം എത്തി. തൃശൂർ ഭാഗത്ത്​ നിന്ന്​ ചാലക്കുടിയിൽ എത്താനുള്ള ഏക മാർഗം കോട്ട പനമ്പിള്ളി റോഡിലൂടെ വളഞ്ഞ്​ ചൗക്ക വഴി വെള്ളിക്കുളം റോഡാണ്​. എങ്കിലും ചാലക്കുടി എത്താനാവില്ല.

കൂടപ്പുഴ വഴി വളഞ്ഞുപോയി നോർത്ത്​ വരെ എത്താം. വെള്ളിയാഴ്​ച ഉച്ചയോടെ വെള്ളം പിൻവാങ്ങുന്ന ലക്ഷണം പ്രകടമാക്കിയിട്ടുണ്ടെങ്കിലും വൈകീട്ട്​ മഴ ഉരുണ്ടുകൂടിയതോടെ ജനം ആശങ്കയിലാണ്​. വ്യാഴാഴ്​ച വൈകീ​േട്ടാടെ പലരും വീട്​ വിടുകയും ദുരിതാശ്വാസ കേന്ദ്രങ്ങളിലേക്കും ബന്ധുവീടുകളിലേക്കും മാറി​. കോ​ട്ടാറ്റ്​, മൂഞ്ഞേലി, തച്ചിടപ്പറമ്പ്​, പോൾസൻ നഗരം, തോട്ടവീതി, സി.എം.എസ്​ സ്​കൂൾ, കാർമൽ സ്​കൂൾ, എസ്​.എച്ച്​ കോളജ്​ ഹൗസിങ്​ ബോർഡ്​ കോളനി, ചേനത്ത്​നാട്​, താലൂക്ക്​ ആശുപത്രി പരിസരം, വെട്ടുകടവ്​, ആറാട്ടുകടവ്​, പൂങ്കുടിപാടം, ആര്യങ്കാല പള്ളി പരിസരം, സ​​​െൻറർ തുടങ്ങിയവ വെള്ളക്കെട്ടിലാണ്​.

കുടുങ്ങി കിടക്കുന്നത് ആയിരങ്ങൾ
തൃശൂർ: ജില്ലയുടെ വിവിധ മേഖലകളിൽ വൃദ്ധരും ഗർഭിണികളും രോഗികളും കുട്ടികളും അടക്കം ആയിരങ്ങളാണ്​ കുടുങ്ങിക്കിടക്കുന്നത്​​. ഭക്ഷണവും വെള്ളവും ലഭിക്കാ​െത വീടി​ന് മുകളിൽ രക്ഷാപ്രവർത്തകരെ തേടി മണിക്കൂറുകളായി കാത്തിരിക്കുകയാണ് ഇവർ​. 

ചേനത്തുനാട്, ചാലക്കുടി എന്നിവിടങ്ങളിലടക്കം ഏറെ പേരാണ്​ കുടങ്ങിക്കിടക്കുന്നത്​. ജാഗ്രത നിർദേശം അവഗണിച്ച് വീടുകളിൽ കഴിഞ്ഞവരാണ് ചാലക്കുടിയിൽ കുടുങ്ങിയത്. 
വെള്ളിയാഴ്​ച്ച രാവിലെ തന്നെ ദുരിതാശ്വാസ ക്യാമ്പുകളിൽ ഉള്ളവർക്ക്​ ഹെലികോപ്​ടറിൽ ഭക്ഷണം വിതരണം ചെയ്​തിരുന്നു. കുടുങ്ങിയ ഏറെപ്പേരെ തൃശൂർ കേരളവർമ കോളജിലേക്കും കുട്ടനെല്ലൂർ ഗവ.കോളജിലേക്കും മാറ്റി. 

എറണാകുളം ജില്ലയോട്​ അതിർത്തി പങ്കിടുന്ന മാളയിൽ നിരവധിപേരാണ്​ ആശ്വാസത്തിനായി കാത്തിരിക്കുന്നത്​. അടുത്ത പ്രദേശമായ അന്നമനട, പൂപ്പത്തി, പറപ്പൂക്കര, പാവറട്ടി, ഒല്ലൂരിനടുത്തുള്ള കൈനൂർ, എന്നിവിടങ്ങളിലും സമാന സാഹചര്യം. ആമ്പലൂർ, മറ്റത്തൂർ, കൊടകര അടക്കം മലയോരമേഖലയും ഒറ്റപ്പെട്ടു.


മരണം ഒഴുകിപ്പോയി; സ്​നേഹം സാഹസികമായി കരകയറി
മാള: രക്ഷാപ്രവർത്തനത്തിന് പോകുന്നതിനിടെ ഒഴുക്കിൽപെട്ട വാഹനത്തിൽനിന്ന്​ അഞ്ച് യുവാക്കളെ സാഹസികമായി രക്ഷപ്പെടുത്തി. പൊയ്യ പഞ്ചായത്ത് ഡ്രൈവർ ഷാജി, മംഗലശേരി അബ്​ദുൽ ഖാദർ, ബാബു മംഗലത്ത്, കണ്ണൻകുട്ടി വാസു, മില്ലേനിയം സ്ട്രീറ്റ്​ ജോജോ എന്നിവരാണ് ആറ് മണിക്കൂറിനു ശേഷം ജീവിതത്തിലേക്ക് തിരികെയെത്തിയത്. വൈദ്യുതി കമ്പി വഴി തൂങ്ങിയെത്തിയ താണിക്കാട് മണന്തറ സജീവനാണ്​ (40) ഇവരുടെ രക്ഷകനായത്. 

വെള്ളിയാഴ്ച രാവിലെയായിരുന്നു സംഭവം. കഴിഞ്ഞ രാത്രി മാള ചാൽ കവിഞ്ഞൊഴുകിയിരുന്നു. കൊടകര-കൊടുങ്ങല്ലൂർ സംസ്ഥാന പാതയിലൂടെ ഭീതിജനകമായാണ്​ ചാൽ ഒഴുകി. തോണി കൊണ്ടുവരുന്നതിന് ശക്തമായ ഒഴുക്കിനെ വകവെക്കാതെ ടിപ്പർ ലോറിയിലാണ്​ ഇവർ അഞ്ച്​ പേർ പുറ​െപ്പട്ടത്​. മറുകര കടക്കാനുള്ള ശ്രമത്തിനിടെ ലോറി നിന്നു. ലോറി മുന്നോട്ടെടുക്കാനുള്ള ശ്രമം വിജയിച്ചില്ല. കുടുങ്ങിപ്പോയ ഇവരെ രക്ഷിക്കുന്നതിന് നാട്ടുകാർ ശ്രമം നടത്തി. ഫയർഫോഴ്സ് ഉദ്യോഗസ്ഥർ കയർകെട്ടി ഇവരുടെ അടുത്തെത്താനുള്ള ശ്രമം നടത്തിയെങ്കിലും പരാജയപ്പെട്ടു. തുടർന്ന് നേവിയുടെ സഹായം തേടി. മണിക്കൂറുകൾക്ക്​ ശേഷം നേവിയുടെ ഹെലികോപ്ടർ അപകടസ്ഥലത്തിന് മുകളിലൂടെ പലവട്ടം പറന്നുവെങ്കിലും ഇറങ്ങാനായില്ല. ദൗത്യം പരാജയപ്പെട്ടതോടെയാണ് താണിക്കാട് സ്വദേശി സജീവൻ വൈദ്യുതി തൂണിൽ പിടിച്ചു കയറി കമ്പിയിൽ തൂങ്ങിയത്.

ഇത് അപകടമാണെന്ന് കണ്ട് ആൾകൂട്ടം ഇയാളെ തടഞ്ഞു. പക്ഷെ ഉച്ചക്ക് 12ന്​ ശേഷം വീണ്ടും സജീവൻ ശ്രമം നടത്തി. സുഹൃത്ത്​ മുരളിയും സഹായത്തിന്​ എത്തി. ഇരുവരും വടവും ലൈഫ് ജാക്കറ്റുകളുമായി വൈദ്യുതി തൂണിൽ കയറി. കമ്പിയിൽ തൂങ്ങിയും ചവിട്ടിയും 200 മീറ്റർ ദൂരെയുള്ള ടിപ്പർ ലോറിക്ക്​ സമീപം എത്തി. വടത്തി​​​​െൻറ ഒരു ഭാഗം ടിപ്പർ ലോറിയിലേക്ക് എറിഞ്ഞുനൽകി. തുടർന്ന്​ അഞ്ചുപേരും കരയിലെത്തി. അതിസാഹസികമായി രക്ഷാപ്രവർത്തനം നടത്തിയ സജീവനെ നാട്ടുകാർ അഭിനന്ദിച്ചു.

മരുമകളുടെ വിവാഹച്ചടങ്ങിന്​ പോകാനാവാതെ ​ട്രാൻ. ബസിൽ കുടുങ്ങി
തൃശൂർ: ബുധനാഴ്​ച കോയമ്പത്തൂരിൽ നിന്ന്​ കെ.എസ്​.ആർ.ടി.സി ബസിൽ കയറിയതാണ്​ ജീവനും ഭാ​ര്യയും സഹോദരിയും. കൂടെ കുട്ടികളുമുണ്ട്​. അടൂർ ഏഴംകുളത്ത്​ ശനിയാഴ്​ച സഹോദരിയുടെ മകളുടെ വിവാഹച്ചടങ്ങിൽ പ​െങ്കടുക്കേണ്ടവരാണിവർ. കഴിഞ്ഞ രണ്ടു ദിവസമായി തൃശൂർ കെ.എസ്​.ആർ.ടി.സി. സ്​റ്റാൻഡിൽ കുടുങ്ങിയ ഇവർ തങ്ങൾ വന്ന കോയമ്പത്തൂർ-കൊട്ടാരക്കര സൂപ്പർ ഫാസ്​റ്റിൽ തന്നെയാണ്​. 

കഴിഞ്ഞ രണ്ടു ദിവസമായി ബസിൽ തന്നെയാണ്​ ഉറക്കം.  പ്രാഥമിക കാര്യങ്ങൾ നിർവഹിക്കുന്നത്​ സ്​റ്റാൻഡിലെ കംഫർട്ട്​ സ്​റ്റേഷനിൽ. കാൻറീനിൽ നിന്ന്​ ഭക്ഷണവും. സ്​റ്റാൻഡിൽ എത്തിപ്പെട്ടത്​ ആശ്വാസമായെന്ന്​ കരുതു​േമ്പാൾ തന്നെ ജീവ​​​​െൻറ ഉള്ള്​ പിടക്കുകയാണ്​. അമ്മാവ​​​​െൻറ സ്​ഥാനത്തു നിന്ന്​ ചെയ്യേണ്ട ചടങ്ങുകൾക്ക്​ എങ്ങനെ എത്തുമെന്നാണ്​ കോയമ്പത്തൂരിൽ ഡ്രൈവറായ ജീവ​​​​െൻറ ആധി. 

സഹോദരി മഞ്​ജുവും വലിയ മാനസിക സമ്മർദത്തിലാണ്​. വിവാഹച്ചടങ്ങിനെത്താൻ വളരെ ആഹ്ലാദത്തോടെ പുറപ്പെട്ട്​ നടുവഴിയിലായ ദുഃഖത്തിലാണ്​ മഞ്​ജു. ഞായറാഴ്​ചയാണ്​ വിവാഹം. ശനിയാഴ്​ച പ്രധാന ചടങ്ങായ വിരുന്നുമുണ്ട്​. ജീവ​​​​െൻറ ഭാര്യ ശാന്തിനി, മകൾ 12 കാരി സുകന്യ, മഞ്​ജുവി​​​​െൻറ മകൾ രണ്ടര വയസ്സുകാരി ജ്യോബിക എന്നിവരും ഒപ്പമുണ്ട്​. രണ്ടു ദിവസമായി രാത്രി കൊതുക്​ കടിയേറ്റ്​ ബസിൽ കഴിയുന്ന ഇവർക്ക്​ ശരിക്ക്​ ഉറങ്ങാൻ കഴിയാത്ത പ്രശ്​നങ്ങളുമുണ്ട്​. 

ബസിൽ ഇവർ മാത്രമല്ല. കോയമ്പത്തൂരിൽ നിന്നും വഴിയിൽ നിന്നും കയറിയ യാത്രക്കാരുമുണ്ട്​. രണ്ട്​ ദിവസമായി ഇവരുടെ താമസവും ബസിൽ തന്നെ. കുതിരാനിൽ മണ്ണിടിഞ്ഞതിനെ തുടർന്ന്​ ഷൊർണൂരിൽ നിന്ന്​ ബസ്​ കയറിയവരുമുണ്ട്​. മൂകാംബിക ​േക്ഷത്ര ദർശനം കഴിഞ്ഞ്​ ട്രെയിനിൽ ഷൊർണൂരിൽ ഇറങ്ങിയ രാജീവും ഭാര്യ ശ്രീലക്ഷ്​മി, മക്കളായ സിദ്ധാർഥ്​, ദേവദത്ത്​, പ്രണവ്​, ശ്രീലക്ഷ്​മിയുടെ സഹോദരി ജ്യോതി തുടങ്ങിയവർ ട്രെയിൻ ഷൊർണൂരിൽ സർവിസ്​ നിർത്തിയതിനെ തുടർന്നാണ്​ ബസിൽ കയറിയത്​. 
മുംബൈയിൽ നിന്ന്​ ട്രെയിനിൽ വന്ന മേരിക്കുട്ടിയും മകൻ ബ്ലെസ്​ഡ്​ തോമസും ഇൗ  ബസിൽ കുടുങ്ങിയത്​ ഇതുപോലെ തന്നെയാണ്​. ഏതാണ്ട്​ 50 യാത്രക്കാരാണ്​ ഇങ്ങനെ ബസിൽ താമസമാക്കിയത്​. അടൂർ, കോട്ടയം, തിരുവല്ല, കൊട്ടാരക്കര എന്നിവിടങ്ങളിലേക്കുള്ള യാത്രക്കാരാണിവർ.