നവവധുവിന് പീഡനം; പ്രതിയെ രക്ഷപ്പെടാൻ പൊലീസ് സഹായിച്ചത് സേനക്കാകെ നാണക്കേടായി

കോ​ഴി​ക്കോ​ട്: പ​ന്തീ​രാ​ങ്കാ​വി​ലെ ഭ​ർ​തൃ​വീ​ട്ടി​ൽ ന​വ​വ​ധു പീ​ഡ​ന​ത്തി​ര​യാ​യ ​സം​ഭ​വ​ത്തി​ൽ, പൊ​ലീ​സു​കാ​ര​ൻ പ്ര​തി​യെ ര​ക്ഷ​പ്പെ​ടാ​ൻ സ​ഹാ​യി​ച്ച​ത് സേ​ന​ക്കാ​കെ മാ​ന​ക്കേ​ടാ​യി. സ്ത്രീ ​സു​ര​ക്ഷ​ക്കാ​യി പൊ​ലീ​സ് വ​ലി​യ പ്ര​ചാ​ര​ണം ന​ൽ​കു​ന്ന​തി​നി​ടെ​യാ​ണ് വ​ലി​യ ച​ർ​ച്ച​യാ​യ കേ​സി​ൽ പ്ര​തി രാ​ഹു​ലി​ന് വി​ദേ​ശ​ത്തേ​ക്ക് ക​ട​ക്കാ​ൻ പൊ​ലീ​സ് ഉ​ദ്യോ​ഗ​സ്ഥ​ൻ കൂ​ട്ടു​നി​ന്ന​തി​ന്റെ തെ​ളി​വു​ക​ൾ പു​റ​ത്തു​വ​ന്ന​ത്. സം​ഭ​വ​ത്തി​ൽ ​പ​ന്തീ​രാ​ങ്കാ​വ് സ്റ്റേ​ഷ​നി​ലെ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ ശ​ര​ത്‍ലാ​ലി​നെ സി​റ്റി പൊ​ലീ​സ് മേ​ധാ​വി രാ​ജ്പാ​ൽ മീ​ണ സ​സ്​​പെ​ൻ​ഡ് ചെ​യ്തെ​ങ്കി​ലും അ​ച്ച​ട​ക്ക ന​ട​പ​ടി മ​റ്റു​ചി​ല​രി​ലേ​ക്കും നീ​ളു​മെ​ന്നാ​ണ് വി​വ​രം. സം​ഭ​വ​വു​മാ​യി ബ​ന്ധ​പ്പെ​ട്ട് മ​റ്റു മൂ​ന്ന് പൊ​ലീ​സ് ഉ​ദ്യോ​ഗ​സ്ഥ​രും ആ​രോ​പ​ണ​ങ്ങ​ൾ നേ​രി​ടു​ന്നു​ണ്ട്. ഇ​വ​ർ​ക്ക് നോ​ട്ടീ​സ് ന​ൽ​കി​യി​ട്ടു​ണ്ട്. ഇ​വ​ർ പ്ര​തി​യെ ഏ​തെ​ങ്കി​ലും ത​ര​ത്തി​ൽ സ​ഹാ​യി​ച്ചോ എ​ന്ന കാ​ര്യ​ത്തി​ൽ അ​ന്വേ​ഷ​ണം തു​ട​രു​ക​യാ​ണ്. വി​ശ​ദാ​ന്വേ​ഷ​ണ റി​പ്പോ​ർ​ട്ട് ല​ഭി​ച്ചാ​ലു​ട​ൻ അ​ച്ച​ട​ക്ക ന​ട​പ​ടി​യു​ണ്ടാ​കും.

സ​സ്​​പെ​ൻ​ഷ​നി​ലാ​യ പൊ​ലീ​സു​കാ​ര​ന്റെ ഫോ​ണി​ൽ നി​ന്ന് നി​ര​വ​ധി ത​വ​ണ​യാ​ണ് പ്ര​തി രാ​ഹു​ലി​ന്റെ ഫോ​ണി​ലേ​ക്ക് വി​ളി​ച്ച​ത്. മാ​ത്ര​മ​ല്ല, ഇ​രു​വ​രും സ്റ്റേ​ഷ​നു​സ​മീ​പം കൂ​ടി​ക്കാ​ഴ്ച ന​ട​ത്തു​ക​യും ചെ​യ്തി​രു​ന്നു. വ​ധ​ശ്ര​മ​ത്തി​ന് കേ​സെ​ടു​ത്താ​ൽ അ​റ​സ്റ്റു​ണ്ടാ​വു​മെ​ന്നും മാ​റി​നി​ൽ​ക്കു​ന്ന​താ​ണ് ഉ​ചി​ത​മെ​ന്ന് നി​ർ​​ദേ​ശി​ച്ച​തും ഈ ​പൊ​ലീ​സു​കാ​ര​നാ​യി​രു​ന്നു. ഇ​ക്കാ​ര്യം നേ​ര​ത്തെ അ​റ​സ്റ്റി​ലാ​യ രാ​ഹു​ലി​ന്റെ സു​ഹൃ​ത്ത് രാ​ജേ​ഷും അ​ന്വേ​ഷ​ണ​സം​ഘം മു​മ്പാ​കെ സ്ഥി​രീ​ക​രി​ച്ചി​ട്ടു​ണ്ട്.

‘ഇ​ര​ക്ക് നീ​തി ഉ​റ​പ്പാ​ക്കു​ന്ന​തി​നു​പ​ക​രം വേ​ട്ട​ക്കാ​ര​നെ ര​ക്ഷ​പ്പെ​ടു​ത്തി​യ​തി​ൽ’ പൊ​ലീ​സി​നെ​തി​രെ വി​വി​ധ കോ​ണു​ക​ളി​ൽ നി​ന്ന് വ​ലി​യ വി​മ​ർ​ശ​ന​മാ​ണ് ഉ​യ​രു​ന്ന​ത്. മൊ​ബൈ​ൽ ഫോ​ണി​ന്റെ ചാ​ർ​ജ​ർ കേ​ബി​ൾ ക​ഴു​ത്തി​ൽ മു​റു​ക്കി ശ്വാ​സം​മു​ട്ടി​ച്ചെ​ന്ന് യു​വ​തി മൊ​ഴി​ന​ൽ​കി​യി​ട്ടും ആ​ദ്യം വ​ധ​ശ്ര​മ​ത്തി​ന് കേ​സെ​ടു​ക്കാ​ത്ത​ത് വീ​ഴ്ച​യാ​യി ക​ണ്ട് പ​ന്തീ​രാ​ങ്കാ​വ് എ​സ്.​എ​ച്ച്.​ഒ എ.​എ​സ്. സ​രി​നെ സ​സ്​​പെ​ൻ​ഡ് ചെ​യ്തി​രു​ന്നു. ഇ​തി​ലും വ​ലി​യ വീ​ഴ്ച​യാ​ണ് കേ​സി​ന്റെ വി​വ​രം ചോ​ർ​ത്തി പൊ​ലീ​സു​കാ​ര​ൻ പ്ര​തി​ക്ക് ര​ക്ഷ​പ്പെ​ടാ​ൻ ഒ​ത്താ​ശ ചെ​യ്ത​തോ​ടെ ഉ​ണ്ടാ​യ​തെ​ന്നാ​ണ് വി​മ​ർ​ശ​നം. മ​നു​ഷ്യാ​വ​കാ​ശ ക​മീ​ഷ​ൻ, വ​നി​ത ക​മീ​ഷ​ൻ, ഡി.​വൈ.​എ​ഫ്.​ഐ, പ്ര​തി​പ​ക്ഷ സം​ഘ​ട​ന​ക​ൾ അ​ട​ക്ക​മു​ള്ള​വ ഇ​തി​ന​കം പൊ​ലീ​സി​നെ​തി​രെ പ​ര​സ്യ​വി​മ​ർ​ശ​ന​വു​മാ​യി രം​ഗ​ത്തു​വ​ന്നി​ട്ടു​ണ്ട്. അ​തേ​സ​മ​യം, വി​ദേ​ശ​ത്തു​ള്ള രാ​ഹു​ലി​നെ ക​ണ്ടെ​ത്താ​ൻ ​നി​ല​വി​ൽ ബ്ലൂ​കോ​ർ​ണ​ർ നോ​ട്ടീ​സ് പു​റ​പ്പെ​ടു​വി​ച്ച് അ​ന്വേ​ഷ​ണം തു​ട​രു​ക​യാ​ണ്.