ഫ്രാ​ങ്കോ മുളക്കലി​െൻറ സഹായിയിൽനിന്ന്​ ഏഴ്​ കോടി തട്ടിയ രണ്ട്​ എ.എസ്​.ഐമാർ അറസ്​റ്റിൽ

കൊച്ചി: ബിഷപ്​ ഫ്രാ​ങ്കോ മുളക്കലി​​െൻറ സഹായിയിൽനിന്ന്​ പിടിച്ച 16.65 കോടിയിൽനിന്ന്​ ഏഴ്​ കോടി തട്ടിയെടുത് ത്​ കേരളത്തിലേക്ക്​ കടന്ന പഞ്ചാബ്​ പൊലീസിലെ രണ്ട്​ എ.എസ്​.ഐമാർ ​കൊച്ചിയിൽ അറസ്​റ്റിൽ. പട്യാല സ്വദേശികളായ ജേ ാഗീന്ദർ സിങ്​, രാജ്​പ്രീത്​ സിങ്​ എന്നിവരാണ്​ അറസ്​റ്റിലായത്​. ഇരുവരും കൊച്ചിയിലെ ഹോട്ടലിൽ ഒളിച്ച്​ താമസിക ്കുകയായിരുന്നു.

കഴ​ിഞ്ഞ മാർച്ച്​ 29ന്​ ലുധിയാനയിൽ വാഹന പരിശോധനക്കിടെയാണ്​ ​​​ഫ്രാ​േങ്കാ മുളക്കലി​​െൻറ സഹായി ഫാ. ആൻറണി മാടശ്ശേരിയിൽനിന്ന്​ ജോഗീന്ദറും രാജ്​പ്രീതും ഉൾപ്പെട്ട പൊലീസ്​ സംഘം 16.65 കോടി പിടിച്ചെടുത്തത്​. എന്നാൽ, 9.66 കോടി മാത്രമാണ്​ രേഖകൾ സഹിതം ആദായ നികുതി വകുപ്പിന്​ കൈമാറിയത്​. തങ്ങളിൽനിന്ന്​ പിടിച്ചെടുത്ത പണത്തിൽനിന്ന്​ ഒരു വിഹിതം പൊലീസുകാർ തട്ടിയെടുത്തെന്ന പരാതിയുമായി ഫാ. ആൻറണി തന്നെയാണ്​ പിന്നീട്​ രംഗത്തുവന്നത്​. ഫ്രാ​​ങ്കോ മുളക്കൽ കന്യാസ്​ത്രീയെ പീഡിപ്പിച്ചെന്ന കേസ്​ ഒതുക്കിത്തീർക്കാൻ ഫാ. ആൻറണി ഇടപെട്ടിരുന്നതായി ആരോപണം ഉയർന്നിരുന്നു. പഞ്ചാബ്​ പൊലീസ്​ നടത്തിയ അന്വേഷണത്തിൽ തട്ടിപ്പ്​ നടന്നതായി കണ്ടെത്തുകയും ജോഗീന്ദറിനെയും രാജ്​പ്രീതിനെയും സസ്​പെൻഡ്​ ചെയ്യുകയുമുണ്ടായി. അന്വേഷണം പുരോഗമിക്കുന്നതിനിടെ ഇരുവരും കേരളത്തിലേക്ക്​ കടക്കുകയായിരുന്നു.

വ്യാജരേഖകളും വിലാസവും നൽകി രണ്ടുപേർ കൊച്ചിയിലെ കാസ ലിൻഡ ഹോട്ടലിൽ താമസിക്കാൻ എത്തിയതായി ലഭിച്ച രഹസ്യ വിവരത്തി​​െൻറ അടിസ്​ഥാനത്തിൽ സിറ്റി പൊലീസ്​ കമീഷണർ എസ്​. സുരേന്ദ്ര​​െൻറ നിർദേശപ്രകാരം നടത്തിയ തിരച്ചിലിലാണ്​ പ്രതികൾ പിടിയിലായത്​. ഇവരെ സംബന്ധിച്ച കൂടുതൽ വിവരങ്ങൾ പൊലീസ്​ ശേഖരിച്ചുവരുകയാണ്​. ഇവരുടെ കൈവശമുണ്ടായിരുന്ന ലഗേജും മറ്റ്​ വസ്​തുക്കളും പിടിച്ചെടുത്തിട്ടുണ്ട്​. അറസ്​റ്റ്​ സംബന്ധിച്ച വിവരം പഞ്ചാബ്​ പൊലീസിനെ അറിയിച്ചതായും കമീഷണർ പറഞ്ഞു. പഞ്ചാബ്​ ക്രൈംബ്രാഞ്ച്​ ഐ.ജി പി.കെ. സിൻഹ കൊച്ചിയിലെത്തി പ്രതികളെ ഏറ്റുവാങ്ങും. സുരക്ഷ ക്രമീകരണങ്ങളുടെ ഭാഗമായി നഗരത്തിലെ പ്രധാന ഹോട്ടലുകളിലും ഹോം സ്​റ്റേകളിലും ലോഡ്​ജുകളിലും റിസോർട്ടുകളിലും സിറ്റി ഷാഡോ പൊലീസ്​ സംഘങ്ങളും ജില്ല രഹസ്യാന്വേഷണ വിഭാഗവും അസി. പൊലീസ്​ കമീഷണർമാരുടെ നേതൃത്വത്തിൽ ലോക്കൽ പൊലീസ്​ സംഘവും തിരച്ചിൽ നടത്തിവരുന്നുണ്ട്​. എല്ലാ ഹോട്ടലുകളും സിറ്റി പൊലീസി​​െൻറ കർശന നിരീക്ഷണത്തിലാണ്​.