അഷറഫ്
ചെങ്ങമനാട് (എറണാകുളം): ഗവ:ആശുപത്രിക്കവലക്ക് സമീപം ബൈക്കുകൾ കൂട്ടിമുട്ടി പരുക്കേറ്റ് അവശനിലയിൽ ചികിത്സയിലായിരുന്ന ഗൃഹനാഥൻ മരിച്ചു. ആലങ്ങാട് ചിറയൻകര റേഷൻകടക്ക് സമീപം പുളിക്കത്തറ വീട്ടിൽ അഷറഫാണ് ( 65 ) മരിച്ചത്.
ചൊവ്വാഴ്ച വൈകിട്ട് 6.30നായിരുന്നു അപകടം. അഷറഫ് അടുവാശ്ശേരി ഭാഗത്ത് നിന്ന് ബൈക്കിൽ ചെങ്ങമനാട് ഭാഗത്തേക്ക് വരുമ്പോൾ പിന്നിൽ വന്ന ബൈക്കിടിച്ചായിരുന്നു അപകടം. റോഡിൽ തലതല്ലിവീണ അഷറഫിനെ അവശനിലയിൽ ആസ്റ്റർ ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചിരിക്കുകയായിരുന്നു.
വ്യാഴാഴ്ച മരണം സ്ഥിരീകരിച്ചു. ഭാര്യ: അരീപ്പാടം വളയക്കുന്നിൽ കുടുംബാംഗം സുഹ്റ. മക്കൾ: നിസാം, നസീമ. മരുമകൻ: മുജീബ്. ഖബറടക്കം വെള്ളിയാഴ്ച രാവിലെ കടൂപ്പാടം ജുമാമസ്ജിദ് ഖബർസ്ഥാനിൽ. ചെങ്ങമനാട് പൊലീസ് നടപടി സ്വീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.