പച്ചപിടിച്ചുവരുന്നതിനിടെ സ്വപ്നങ്ങൾ തകിടംമറിച്ച് മുകേഷിന്റെ മടക്കം

പ​ര​പ്പ​ന​ങ്ങാ​ടി: മ​ക​ന്‍റെ ഉ​യ​ർ​ച്ച സ്വ​പ്​​നം ക​ണ്ടാ​യി​രു​ന്നു ദേ​വി​യു​ടെ മൂ​ന്ന്​ പ​തി​റ്റാ​ണ്ടി​ലേ​റെ​യു​ള്ള ജീ​വി​തം. ദു​രി​ത​ങ്ങ​ളി​ൽ​നി​ന്ന് അ​തി​ജീ​വ​ന സ്വ​പ്ന​ങ്ങ​ൾ ക​ണ്ടു​തു​ട​ങ്ങ​വെ​യാ​ണ് അ​മ്മ​യെ​യും കു​ടും​ബ​ത്തെ​യും അ​നാ​ഥ​മാ​ക്കി മു​കേ​ഷി​ന്‍റെ അ​പ്ര​തീ​ക്ഷി​ത മ​ട​ക്കം. പൊ​ള്ളു​ന്ന ജീ​വി​താ​നു​ഭ​വ​ങ്ങ​ളി​ലൂ​ടെ​യാ​യി​രു​ന്നു ദേ​വി​യു​ടെ​യും മ​ക്ക​ളു​ടെ​യും നീ​ണ്ട​കാ​ല​ത്തെ സ​ഞ്ചാ​രം. അ​ഞ്ച​ര വ​യ​സ്സു​ള്ള മു​കേ​ഷി​നെ​യും കൈ​ക്കു​ഞ്ഞാ​യ സ​ഹോ​ദ​രി ഹ​രി​ത​യെ​യും അ​മ്മ ദേ​വി​യു​ടെ കൈ​ക​ളി​ലേ​ൽ​പി​ച്ച് പെ​യി​ന്റി​ങ് തൊ​ഴി​ലാ​ളി​യാ​യ പി​താ​വ് ഉ​ണ്ണി മ​ൺ​മ​റ​ഞ്ഞി​ട്ട്​ 28 വ​ർ​ഷ​ങ്ങ​ൾ പി​ന്നി​ട്ടു. പി​ന്നീ​ട് ത​യ്യ​ൽ ജോ​ലി ചെ​യ്താ​ണ്​ ദേ​വി കു​ടും​ബം പോ​റ്റി​യ​തും കു​ട്ടി​ക​ളെ പ​ഠി​പ്പി​ച്ച​തും മ​ക​ളെ വി​വാ​ഹം ചെ​യ്ത​യ​ച്ച​തും. അ​ഞ്ച്​ സെ​ന്‍റി​ൽ നാ​ട്ടു​കാ​രു​ടെ കൂ​ടി സ​ഹാ​യ​ത്തോ​ടെ ഉ​ണ്ടാ​ക്കി​യ കൊ​ച്ചു​വീ​ട് മാ​ത്ര​മാ​ണ്​ ഇ​വ​ർ​ക്കു​ള്ള​ത്.

പ​ഠ​ന​ത്തി​നു ശേ​ഷം പ​ര​പ്പ​ന​ങ്ങാ​ടി​യി​ലെ പ്രാ​ദേ​ശി​ക വാ​ർ​ത്ത ചാ​ന​ലി​ൽ കാ​മ​റ​മാ​നാ​യി തു​ട​ങ്ങി​യ മു​കേ​ഷ്, തു​ട​ക്കം മു​ത​ലേ ദു​രി​ത ജീ​വി​ത​ങ്ങ​ളി​ലേ​ക്ക്​ കാ​മ​റ തി​രി​ച്ചു​വെ​ക്കാ​ൻ ശ്ര​മി​ച്ചി​രു​ന്ന​താ​യി സ​ഹ​പ്ര​വ​ർ​ത്ത​ക​ർ ഓ​ർ​ക്കു​ന്നു. പ്രാ​ദേ​ശി​ക ചാ​ന​ലി​ൽ​നി​ന്ന്​ ഇ​ന്ത്യാ​വി​ഷ​നി​ലേ​ക്കും തു​ട​ർ​ന്ന് മാ​തൃ​ഭൂ​മി ന്യൂ​സി​ലേ​ക്കും മാ​റി. ത​നി​ക്ക് ജോ​ലി ല​ഭി​ച്ച​തി​നു ശേ​ഷം അ​മ്മ​യെ ത​യ്യ​ൽ ജോ​ലി​ക്ക്​ പോ​കാ​ൻ മു​കേ​ഷ്​ സ​മ്മ​തി​ച്ചി​രു​ന്നി​ല്ല.

ദു​ർ​ഘ​ട സ​ന്ദ​ർ​ഭ​ങ്ങ​ളി​ലും ജോ​ലി​യോ​ടു​ള്ള പ്ര​തി​ബ​ദ്ധ​ത​ക്ക്​ മാ​ത്ര​മാ​ണ്​ മു​കേ​ഷ് പ്രാ​മു​ഖ്യം ന​ൽ​കി​യി​രു​ന്ന​ത്. മ​ല​മ്പു​ഴ​ക്ക്​ സ​മീ​പം കാ​ട്ടാ​ന​ക്കൂ​ട്ട​ത്തി​ന്‍റെ ദൃ​ശ്യം പ​ക​ർ​ത്തു​മ്പോ​ഴും മു​കേ​ഷി​​ന്റെ ഈ ​ആ​ത്മാ​ർ​ഥ​ത​യാ​ണ്​ പ്ര​ക​ട​മാ​യ​ത്. മു​കേ​ഷി​ന്‍റെ ജീ​വി​തം പാ​തി​വ​ഴി​യി​ൽ മു​റി​ഞ്ഞെ​​ങ്കി​ലും സ​ഹ​ജീ​വി​ക​ളു​ടെ ദു​രി​ത​ങ്ങ​ളി​ലേ​ക്ക്​ അ​ദ്ദേ​ഹം പാ​യി​ച്ച കാ​മ​റ​യി​​ലെ ദൃ​ശ്യ​ങ്ങ​ളും എ​ഴു​ത്തു​ക​ളും മാ​ഞ്ഞു​പോ​കാ​തെ അ​തി​ജീ​വി​ക്കും.