കോഴിക്കോട്: മാതൃഭൂമി ചീഫ് ഫോട്ടോഗ്രാഫറായിരുന്ന പയ്യേരി വിശ്വനാഥൻ (73) നല്ലളം ഡീസൽ പ്ലാന്റിനു സമീപത്തെ വസതിയിൽ അന്തരിച്ചു. 1976 മുതൽ 2004 വരെ 28 വർഷം മാതൃഭൂമിയിൽ ജോലി ചെയ്തു. ന്യൂസ് ഫോട്ടോഗ്രാഫി രംഗത്ത് ശ്രദ്ധേയനായ വിശ്വനാഥന് 1991 ൽ സന്തോഷ് ട്രോഫിയിലെ മികച്ച സ്പോർട്സ് ഫോട്ടോഗ്രാഫർക്കുള്ള പുരസ്കാരം ലഭിച്ചു.
സ്റ്റുഡിയോ ഫോട്ടോഗ്രാഫറെന്ന നിലയിൽ 12 വർഷത്തിലേറെ നീണ്ട അനുഭവസമ്പത്തുമായി മാതൃഭൂമിയിലെത്തിയ വിശ്വനാഥൻ സ്പോർട്സ്, സിനിമ എന്നീ മേഖലകളിലെല്ലാം ഫോട്ടോഗ്രാഫറെന്ന നിലയിൽ ഏറെക്കാലം നിറഞ്ഞ സാന്നിദ്ധ്യമായിരുന്നു.
ഭാര്യ.രാജലക്ഷ്മി, മക്കൾ: ബിന്ദു, പി.സന്ദീപ്, (സീനിയർ ഫോട്ടോഗ്രാഫർ ,മാധ്യമം ,കണ്ണൂർ, ) സിന്ദു. മരുമക്കൾ: അനിൽകുമാർ (റെയിൽവേ) ,സുബിജ, സുധീഷ്. സഹോദരൻ പയ്യേരി ജയൻ. ശവസംസ്ക്കാരം വ്യാഴാഴ്ച്ച രാവിലെ 10 മണിക്ക് മാവൂർ റോഡ് ശ്മശാനത്തിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.