യുവാവിനെ കു​ട്ടി​ക​ൾ​ക്ക്​ മു​ന്നി​ലി​ട്ട്​ വെട്ടി കാൽ മുറിച്ച് റോഡിലെറിഞ്ഞ കേസ്​: എല്ലാ പ്രതികളും കുറ്റക്കാരെന്ന് കോടതി

തിരുവനന്തപുരം: പോത്തോൻകോട് ഗുണ്ടകൾ തമ്മിലുള്ള കുടിപ്പകയെ തുടർന്ന് സുധീഷ് എന്ന യുവാവിനെ വെട്ടിക്കൊന്ന കേസിൽ എല്ലാ പ്രതികളും കുറ്റക്കാരെന്ന് കോടതി. ഉണ്ണിയെന്ന് വിളിക്കുന്ന സുധീഷ്, ശ്യാം, രാജേഷ്, നിധീഷ്, നന്ദീഷ്, രഞ്ചിത്ത്, ശ്രീനാഥ്, സൂരജ്, അരുൺ, ജിഷ്ണു പ്രദീപ്, സച്ചിൻ എന്നീ 11 പ്രതികളും കൊലകുറ്റത്തിന് കുറ്റക്കാരാണെന്ന് നെടുമങ്ങാട് എസ്.എസി-എസ്.എസ്.ടി കോടതി വിധിച്ചു. ഇവർക്കുള്ള ശിക്ഷ നാളെ വിധിക്കും.

2021 ഡിസംബർ 11നായിരുന്നു ഞെട്ടിക്കുന്ന കൊലപാതകം നടന്നത്. മം​ഗ​ല​പു​രം ചെ​മ്പ​ക​മം​ഗ​ലം ല​ക്ഷം​വീ​ട് കോ​ള​നി സ്വ​ദേ​ശി സു​ധീ​ഷ് (35) ആ​ണ് കൊല്ലപ്പെട്ടത്. വധശ്രമക്കേസിൽ പ്രതിയായി ഒളിവിൽ കഴിയുന്നതിനിടെ സുധീഷിനെ എതിർ ചേരിയില്‍പ്പെട്ട ഗുണ്ടാസംഘം ക​ല്ലൂ​ർ പാ​ണ​ൻ​വി​ള​യി​ലെ വീ​ട്ടി​ൽ ​വെ​ച്ച് കൊലപ്പെടുത്തുകയായിരുന്നു.

ഗു​ണ്ടാ​സം​ഘം ആ​ദ്യം നാ​ട​ൻ ബോം​ബെ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്​​ടി​ച്ചു. അ​ക്ര​മി​ക​ളെ ക​ണ്ട് സു​ധീ​ഷ്​ സ​മീ​പ​ത്തെ ബ​ന്ധു​വീ​ട്ടി​ൽ ഓ​ടി​ക്ക​യ​റി. വീ​ടി​ന്‍റെ വാ​തി​ലും ജ​ന​ലും ത​ക​ർ​ത്ത്​ അ​ക​ത്തു​ക​യ​റി​യ സം​ഘം അ​വി​ടെ​യു​ണ്ടാ​യി​രു​ന്ന കു​ട്ടി​ക​ൾ​ക്ക്​ മു​ന്നി​ലി​ട്ട്​ സു​ധീ​ഷി​നെ ദേ​ഹ​മാ​സ​ക​ലം വാ​ളും മ​ഴു​വും കൊ​ണ്ട് വെ​ട്ടി. ഇ​ട​തു​കാ​ൽ വെ​ട്ടി​യെ​ടു​ത്ത് ബൈ​ക്കി​ൽ അ​ര​കി​ലോ​മീ​റ്റ​ർ അ​ക​ലെ ക​ല്ലൂ​ർ മൃ​ഗാ​ശു​പ​ത്രി ജ​ങ്​​ഷ​നി​ലെ​ത്തി ആ​ഹ്ലാ​ദ പ്ര​ക​ട​നം ന​ട​ത്തി. തു​ട​ർ​ന്ന്​ റോ​ഡി​ൽ വ​ലി​ച്ചെ​റി​ഞ്ഞ​ശേ​ഷം ര​ക്ഷ​പ്പെ​ട്ടു. ആ​യു​ധ​ങ്ങ​ൾ കാ​ട്ടി ഭീ​ഷ​ണി​പ്പെ​ടു​ത്തി​യ​തി​നാ​ൽ ആ​രും വീ​ടു​ക​ളി​ൽ​നി​ന്ന് പു​റ​ത്തി​റ​ങ്ങി​യി​ല്ല.

കാ​ൽ റോ​ഡി​ൽ വ​ലി​ച്ചെ​റി​യുന്ന സി.സി.ടി.വി ദൃശ്യങ്ങൾ പുറത്തുവന്നിരുന്നു. ത​ന്നെ വെ​ട്ടി​യ​വ​രു​ടെ പേ​ര് സു​ധീ​ഷ് മ​ര​ണ​മൊ​ഴി​യാ​യി ​പൊ​ലീ​സി​നോ​ട് പ​റ​ഞ്ഞി​രു​ന്നു.

കേസിൽ മു​ഖ്യ ആ​സൂ​ത്ര​ക​ൻ ഒ​ട്ട​കം രാ​ജേ​ഷ്​ തമിഴ്​നാട്ടിലെ ഒ​ളി​സ​ങ്കേ​തത്തിൽനിന്നാണ് പിടിയിലായിരുന്നത്. ഒ​ട്ട​കം രാ​ജേ​ഷി​നെ തേ​ടി​യു​ള്ള യാ​ത്ര​ക്കി​ടെ​ തി​രു​വ​ന​ന്ത​പു​രം എ​സ്.​എ.​പി ക്യാ​മ്പി​ലെ സി​വി​ൽ പൊ​ലീ​സ് ഓ​ഫി​സ​ർ ആ​ല​പ്പു​ഴ പു​ന്ന​പ്ര ആ​ലി​ശ്ശേ​രി കാ​ർ​ത്തി​ക​യി​ൽ എ​സ്. ബാ​ലു (27) വ​ള്ളം മ​റി​ഞ്ഞ് മരിച്ചിരുന്നു.