കണ്ണൂരിൽ പാർട്ടി ഓഫിസിന് സ​ർ​ക്കാ​ർ ജീ​വ​ന​ക്കാ​രി​ൽ​നി​ന്ന് നി​ർ​ബ​ന്ധ പ​ണ​പ്പി​രി​വ്; ശമ്പളത്തിന്റെ 10 ശതമാനം നൽകാൻ നിർദേശം

ക​ണ്ണൂ​ർ: സി.​പി.​എം ക​ണ്ണൂ​ർ ജി​ല്ല ക​മ്മി​റ്റി ഓ​ഫി​സാ​യ അ​ഴീ​ക്കോ​ട​ൻ സ്മാ​ര​ക മ​ന്ദി​ര​ത്തി​ന്റെ നി​ർ​മാ​ണ​ത്തി​ന് സ​ർ​ക്കാ​ർ ജീ​വ​ന​ക്കാ​രി​ൽ​നി​ന്ന് നി​ർ​ബ​ന്ധ പ​ണ​പ്പി​രി​വ്. പാ​ർ​ട്ടി ഫ്രാ​ക്ഷ​നി​ൽ ഉ​ൾ​പ്പെ​ട്ട ജീ​വ​ന​ക്കാ​ർ മൊ​ത്തം ശ​മ്പ​ള​ത്തി​ന്റെ 10 ശ​ത​മാ​നം സം​ഭാ​വ​ന​യാ​യി ന​ൽ​കാ​നാ​ണ് നി​ർ​ദേ​ശം. മേ​യി​ലെ ശ​മ്പ​ള​ത്തി​ൽ​നി​ന്നു​ത​ന്നെ തു​ക പാ​ർ​ട്ടി ഫ​ണ്ടി​ൽ അ​ട​​ക്ക​ണ​മെ​ന്നും നി​ർ​ദേ​ശ​മു​ണ്ട്. സി.​പി.​എം ജി​ല്ല ​നേ​തൃ​ത്വ​ത്തി​ന്റെ നി​ല​പാ​ടി​ൽ ഈ ​ജീ​വ​ന​ക്കാ​ർ ക​ടു​ത്ത അ​തൃ​പ്തി​യി​ലാ​ണ്.

​മൊ​ത്തം ശ​മ്പ​ള​ത്തി​ന്റെ 10 ശ​ത​മാ​നം ന​ൽ​ക​ണ​മെ​ന്ന നി​ബ​ന്ധ​ന​യാ​ണ് ജീ​വ​ന​ക്കാ​രെ ചൊ​ടി​പ്പി​ച്ച​ത്. മൊ​ത്ത ശ​മ്പ​ള​ത്തി​ൽ​നി​ന്ന് നി​കു​തി ഉ​ൾ​പ്പെ​ടെ​യു​ള്ള​വ കി​ഴി​ച്ച് കി​ട്ടു​ന്ന തു​ക​യി​ൽ​നി​ന്ന് ഇ​ത്ര​യും വ​ലി​യ തു​ക ന​ൽ​കി​യാ​ൽ വ​ലി​യ പ്ര​തി​സ​ന്ധി​യു​ണ്ടാ​ക്കു​മെ​ന്നാ​ണ് ജീ​വ​ന​ക്കാ​ർ പ​റ​യു​ന്ന​ത്. മൊ​ത്ത ശ​മ്പ​ള​ത്തി​ന്റേ​തി​നു പ​ക​രം ‘നെ​റ്റ് പേ’​യു​ടെ 10 ശ​ത​മാ​ന​മെ​ന്നാ​ക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം. ഗ​ഡു​വാ​യി അ​ട​ക്കാ​ൻ സം​വി​ധാ​നം വേ​ണ​മെ​ന്നും ജീ​വ​ന​ക്കാ​ർ ആ​വ​ശ്യ​പ്പെ​ട്ടു.

ഫ്രാ​ക്ഷ​ൻ ബ്രാ​ഞ്ച് ക​മ്മി​റ്റി​യു​ടെ വാ​ട്സ്ആ​പ് ഗ്രൂ​പ്പി​ൽ ഈ​യാ​വ​ശ്യം പ​ല​രും ഉ​ന്ന​യി​ച്ചു. എ​തി​ർ​പ്പ് ശ​ക്ത​മാ​യ​തോ​ടെ വി​ഷ​യം ച​ർ​ച്ച ചെ​യ്യാ​ൻ​ ലോ​ക്ക​ൽ ക​മ്മി​റ്റി യോ​ഗം ചേ​ർ​ന്നു. എ​ന്നാ​ൽ, സി.​പി.​എം ജി​ല്ല നേ​തൃ​ത്വ​ത്തി​ന്റെ ക​ർ​ശ​ന നി​ർ​ദേ​ശം യോ​ഗ​ത്തി​ൽ അ​റി​യി​ക്കു​ക​യും ഗ​ഡു ഉ​ൾ​പ്പെ​ടെ​യു​ള്ള ആ​വ​ശ്യം ത​ള്ളു​ക​യും ചെ​യ്തു.

10 ശ​ത​മാ​നം സം​ഭാ​വ​ന ചെ​യ്യു​ന്ന​തി​നൊ​പ്പം പാ​ർ​ട്ടി​യോ​ട് അ​ടു​ത്തു​നി​ൽ​ക്കു​ന്ന​വ​രി​ൽ​നി​ന്ന് സം​ഭാ​വ​ന ചോ​ദി​ക്കാ​നും അ​വ​രു​ടെ പ​ട്ടി​ക ന​ൽ​കാ​നും നി​ർ​ദേ​ശ​മു​ണ്ട്. ക​ണ്ണൂ​ർ ജി​ല്ല​യി​ൽ ആ​യി​ര​ക്ക​ണ​ക്കി​ന് വ​രു​ന്ന സി.​പി.​എം അ​നു​കൂ​ല അ​ധ്യാ​പ​ക -ജീ​വ​ന​ക്കാ​രി​ൽ പാ​ർ​ട്ടി അം​ഗം പോ​ലെ ക​ണ​ക്കാ​ക്കു​ന്ന നൂ​റു​ക​ണ​ക്കി​ന് പേ​രാ​ണു​ള്ള​ത്. ക്ഷാ​മ​ബ​ത്ത ഉ​ൾ​പ്പെ​ടെ​യു​ള്ള ആ​നു​കൂ​ല്യ​ങ്ങ​ൾ നി​ഷേ​ധി​ക്കു​മ്പോ​ഴും ലെ​വി​ക്കു പു​റ​മെ ഇ​ത്ത​രം നി​ർ​ബ​ന്ധ പ​ണ​പ്പി​രി​വി​ൽ ഭൂ​രി​പ​ക്ഷം ജീ​വ​ന​ക്കാ​രും ക​ടു​ത്ത അ​മ​ർ​ഷ​ത്തി​ലാ​ണ്.