ന്യൂഡൽഹി: ലൈംഗികാതിക്രമക്കേസില് മുന് മന്ത്രി നീലലോഹിതദാസന് നാടാരെ കുറ്റവിമുക്തനാക്കിയ ഹൈകോടതി വിധി ചോദ്യം ചെയ്ത് പരാതിക്കാരിയായ മുൻ ഐ.എഫ്.എസ് ഉദ്യോഗസ്ഥ സുപ്രീംകോടതിയെ സമീപിച്ചു. ഹൈകോടതി വിധിയില് പിഴവുകളുണ്ടെന്ന് ചൂണ്ടിക്കാട്ടിയാണ് അപ്പീല് നല്കിയത്.
കേരള വനംവകുപ്പില് ഉന്നതസ്ഥാനം വഹിച്ചിരുന്ന ഉദ്യോഗസ്ഥക്കുനേരെ 1999 ഫെബ്രുവരി 27നാണ് കേസിനാസ്പദമായ ലൈംഗികാതിക്രമമുണ്ടായത്. ഉദ്യോഗസ്ഥയെ ഔദ്യോഗിക ആവശ്യങ്ങള്ക്കായി കോഴിക്കോട് ഗെസ്റ്റ് ഹൗസിലേക്ക് വിളിച്ചുവരുത്തുകയും തിരിച്ചിറങ്ങാന് നേരം മോശമായി പെരുമാറുകയുമായിരുന്നു എന്നാണ് പരാതി.
2002 ഫെബ്രുവരിയില് നീലലോഹിതദാസനെതിരെ മുതിര്ന്ന ഐ.എ.എസ് ഉദ്യോഗസ്ഥ പരാതി നല്കിയതോടെയാണ് ഐ.എഫ്.എസ് ഉദ്യോഗസ്ഥയും പരാതിയുമായി രംഗത്തെത്തിയത്. കേസില് നീലലോഹിതദാസന് നാടാരെ കോഴിക്കോട് ജില്ല കോടതി നേരത്തേ ഒരുവര്ഷത്തെ തടവിന് ശിക്ഷിച്ചിരുന്നു. ഇതിനെതിരെ നൽകിയ അപ്പീലിൽ ശിക്ഷാവിധി ഹൈകോടതി റദ്ദാക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.