തൃപ്പൂണിത്തുറ: കാറിന്റെ ചില്ല് തകർത്ത് മോഷണത്തിന് ശ്രമിക്കുന്നതിനിടെ യുവാവിനെ നാട്ടുകാർ പിടികൂടി പൊലീസിന് കൈമാറി. ഇതര സംസ്ഥാനക്കാരനായ സുനി (26) എന്നയാളെയാണ് നാട്ടുകാർ പിടികൂടിയത്. വ്യാഴാഴ്ച ഉച്ചയ്ക്ക് രണ്ടേകാലോടെയാണ് സംഭവം.
മാതൃഭമി ന്യൂസ് ചാനൽ സീനിയർ പ്രൊഡ്യൂസർ അനീഷ് ആർ. നായരുടേതായിരുന്നു കാർ. പേട്ട പെട്രോൾ പമ്പിന് സമീപം റോഡരികിൽ പാർക്ക് ചെയ്ത ശേഷം കാറുടമ നീങ്ങിയ നേരത്തായിരുന്നു മോഷണശ്രമം നടന്നത്. കാറിന്റെ പിൻവശത്തെ ഡോർ ഗ്ലാസ് കല്ല് കൊണ്ട് ഇടിച്ചു പൊട്ടിച്ച ശേഷം കയ്യിട്ട് പിൻ സീറ്റ് മറിച്ചിട്ട് അകത്തിരുന്ന ബാഗ് എടുക്കാൻ ശ്രമിക്കുന്നതിനിടെയാണ് ഇയാൾ പിടിയിലായത്.
നാട്ടുകാർ ഇയാളെ തടഞ്ഞു നിർത്തിയ ശേഷം മരട് പൊലീസിനെ വിവരം അറിയിച്ചു. തുടർന്ന് പൊലീസ് കസ്റ്റഡിയിലെടുക്കുകയായിരുന്നു. സംഭവത്തിന് അര മണിക്കൂർ മുമ്പ് സമീപത്ത് പാർക്ക് ചെയ്തിരുന്ന മറ്റൊരു വാഹനത്തിലും ഇയാൾ മോഷണം ശ്രമം നടത്തിയിരുന്നു.
ഇയാൾ മാനസികാസ്വസ്ഥത പ്രകടിപ്പിക്കുന്നതായും യാതൊരു തിരിച്ചറിയൽ രേഖകളുമില്ലാത്തതിനാൽ വൈദ്യ പരിശോധനക്കു ശേഷം ഇയാളെ ഏതെങ്കിലും സർക്കാർ ഷെൽട്ടർ ഹോമിലേക്ക് മാറ്റുമെന്നും പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.