സന്ദീപ് സന്ദു
മണിമല: വീട്ടമ്മയെ കൊലപ്പെടുത്താൻ ശ്രമിച്ച കേസിൽ സഹോദരങ്ങൾ പിടിയിൽ. കരിക്കാട്ടൂർ വാറുകുന്ന് ഭാഗത്ത് മുത്തേടത്ത് വീട്ടിൽ സന്ദീപ് (33), സഹോദരൻ സന്ദു (35) എന്നിവരാണ് അറസ്റ്റിലായത്.
ഇവർ കഴിഞ്ഞദിവസം മണിമലയിലെ വീട്ടിൽ അതിക്രമിച്ചു കയറി മദ്യപിക്കാൻ വീട്ടമ്മയോട് വെള്ളവും ഗ്ലാസും ചോദിച്ചു. നൽകാതിരുന്നതിനെ തുടർന്ന് വീട്ടമ്മയുടെ നേരെ കത്തി വീശുകയും കൊല്ലുമെന്ന് ഭീഷണിപ്പെടുത്തുകയുമായിരുന്നു.
എസ്.എച്ച്.ഒ ജയപ്രകാശ്, എസ്.ഐമാരായ സന്തോഷ് കുമാർ, വിജയകുമാർ, സജീവ്, സുനിൽ സി.പി.ഒ മാരായ സാജു പി. മാത്യു, ടോമി, ബിജേഷ്, രാജേന്ദ്രൻ, ശ്രീജിത്ത്, മനോജ് കുട്ടൻ എന്നിവർ ചേർന്നാണ് ഇവരെ അറസ്റ്റ് ചെയ്തത്.
ഇരുവരും മണിമല സ്റ്റേഷനിലെ സാമൂഹിക വിരുദ്ധ പട്ടികയിൽ പെട്ടവരാണ്. കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.