കോഴിക്കോട്: മലപ്പുറം കൊണ്ടോട്ടിയിൽ ജാമിഅ മില്ലിയ സമര നായിക ആയിഷ റെന്ന പ്രസംഗിച്ചതുമായി ബന്ധപ്പെട്ടുണ്ടായ വിവാദത്തിൽ പ്രതികരണവുമായി എൽ.ഡി.എഫ് കൺവീനർ എ. വിജയരാഘവൻ.
ആയിഷ റെന്നക്ക് അഭിപ്രായം പറയാമെന്ന് വിജയരാഘവൻ പറഞ്ഞു. അതിനോട് എതിരഭിപ്രായമുള്ളവർ അതും പറയും. അതാണ് കൊണ്ടോട്ടിയിലുണ്ടായതെന്നും അദ്ദേഹം അഭിപ്രായപ്പെട്ടു.
ഗവർണർ ആരിഫ് മുഹമ്മദ് ഖാൻ പദവി ദുരുപയോഗം ചെയ്യുകയാണ്. രാജ് ഭവൻ രാഷ്ട്രീയത്തിൽ ഇടെപടരുത്. ഭരണഘടനാ പദവിയിലിരുന്ന് രാഷ്ട്രീയം പറഞ്ഞാൽ എതിർപ്പുണ്ടാകും.
കണ്ണൂരിൽ ഗവർണർ രാഷ്ട്രീയം പറഞ്ഞു. അതിനോട് എതിർപ്പുള്ളവർ അത് പ്രകടിപ്പിച്ചു. അതോടെ പ്രശ്നം അവസാനിച്ചെന്നും ഗവർണറുടെ പരിപാടിയിൽ യാതൊരു വിധ സുരക്ഷാ വീഴ്ചയും ഉണ്ടായിട്ടില്ലെന്നും വിജയരാഘവൻ കോഴിക്കോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.