ഓ​ട്ടോ ഡ്രൈ​വ​റെ വെ​ട്ടി​ക്കൊ​ന്ന കേ​സ്: പ്ര​തി അ​റ​സ്റ്റി​ൽ

കോ​ഴി​ക്കോ​ട്: ന​ഗ​ര​ത്തി​ൽ ഓ​ട്ടോ ഡ്രൈ​വ​റെ വെ​ട്ടി​ക്കൊ​ന്ന കേ​സി​ൽ പ്ര​തി അ​റ​സ്റ്റി​ൽ. മ​രി​ച്ച​യാ​ളു​ടെ ബ​ന്ധു​കൂ​ടി​യാ​യ വെ​ള്ള​യി​ൽ പ​ണി​ക്ക​ർ റോ​ഡ് സ്വ​ദേ​ശി ധ​​​നേ​ഷാ​ണ് (33) പി​ടി​യി​ലാ​യ​ത്.

പ​ണി​ക്ക​ർ റോ​ഡ് നാ​ലു​കു​ടി​പ​റ​മ്പി​ൽ ശ്രീ​കാ​ന്താ​ണ് (47) ഞാ​യ​റാ​ഴ്ച പു​ല​ർ​ച്ച 5.45ഓ​ടെ വീ​ടി​നു സ​മീ​പം നി​ർ​ത്തി​യി​ട്ട സ്വ​ന്തം ഓ​ട്ടോ​ക്ക​ടു​ത്ത് ന​ട​പ്പാ​ത​യി​ൽ വെ​ട്ടേ​റ്റു മ​രി​ച്ച​ത്. കേ​ര​ള സോ​പ്സി​ന്റെ പി​റ​കു​വ​ശ​ത്തെ ഗേ​റ്റി​നു സ​മീ​പം പാ​ർ​ക്ക് ചെ​യ്ത ശ്രീ​കാ​ന്തി​ന്റെ സാ​ൻ​ട്രോ കാ​ർ വെ​ള്ളി​യാ​ഴ്ച രാ​ത്രി പെ​ട്രോ​ളൊ​ഴി​ച്ച് ക​ത്തി​ച്ചി​രു​ന്നു. ഇ​തി​ൽ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​രു​ന്ന​തി​നി​ടെ​യാ​യി​രു​ന്നു അ​തേ സ്ഥ​ല​ത്തു​വെ​ച്ച് ശ്രീ​കാ​ന്ത് കൊ​ല്ല​പ്പെ​ട്ട​ത്.

കാ​ർ ക​ത്തി​ച്ച​തി​നും കൊ​ല​ക്കും പി​ന്നി​ൽ ഒ​രേ പ്ര​തി​ക​ളാ​യി​രി​ക്കു​മെ​ന്ന നി​ഗ​മ​ന​ത്തി​ലാ​ണ് പൊ​ലീ​സ് പ്ര​ത്യേ​ക സം​ഘം രൂ​പ​വ​ത്ക​രി​ച്ച് അ​ന്വേ​ഷ​ണം ആ​രം​ഭി​ച്ച​ത്. നി​ര​വ​ധി സി.​സി.​ടി.​വി കാ​മ​റ ദൃ​ശ്യ​ങ്ങ​ളും മ​റ്റു ശാ​സ്ത്രീ​യ തെ​ളി​വു​ക​ളും പ​രി​ശോ​ധി​ച്ച​തോ​ടെ​യാ​ണ് അ​ന്വേ​ഷ​ണ സം​ഘം പ്ര​തി​യി​ലേ​ക്കെ​ത്തി​യ​ത്.

കൊ​ല്ല​പ്പെ​ട്ട ശ്രീ​കാ​ന്ത് കു​ണ്ടൂ​പ്പ​റ​മ്പി​ലെ പ്ര​ഭു​രാ​ജ് വ​ധ​മ​ട​ക്കം ഒ​ന്നി​ല​ധി​കം കേ​സു​ക​ളി​ൽ പ്ര​തി​യാ​യി​രു​ന്നു. ഇ​ത്ത​രം കേ​സി​ൽ​പെ​ട്ട ആ​രെ​ങ്കി​ലു​മാ​യി​രി​ക്കു​മോ കൃ​ത്യ​ത്തി​നു പി​ന്നി​ലെ​ന്ന് സം​ശ​യി​ച്ചി​രു​ന്നു. മാ​ത്ര​മ​ല്ല, ക്വ​ട്ടേ​ഷ​ൻ സം​ഘ​ങ്ങ​ളെ കേ​ന്ദ്രീ​ക​രി​ച്ചും ശ്രീ​കാ​ന്തു​മാ​യി ശ​ത്രു​ത​യു​ള്ള​വ​രെ കു​റി​ച്ചും അ​ന്വേ​ഷി​ച്ചു. ല​ഭ്യ​മാ​യ സി.​സി.​ടി.​വി ദൃ​ശ്യ​ങ്ങ​ളി​ലൊ​ന്നി​ൽ സം​ശ​യ​ക​ര സാ​ഹ​ച​ര്യ​ത്തി​ൽ സ്കൂ​ട്ട​റി​ന്റെ സാ​ന്നി​ധ്യം വ്യ​ക്ത​മാ​യി. ഇ​തി​നെ ചു​റ്റി​പ്പ​റ്റി​യു​ള്ള അ​ന്വേ​ഷ​ണ​ത്തി​ലാ​ണ് പ്ര​തി​യെ​ക്കു​റി​ച്ചു​ള്ള സൂ​ച​ന ല​ഭി​ച്ച​ത്.

പ്ര​തി​യു​ടെ മാ​താ​വി​നെ ശ്രീ​കാ​ന്ത് ഉ​പ​ദ്ര​വി​ക്കാ​ൻ ശ്ര​മി​ച്ച​താ​യി പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ഇ​താ​ണ് വൈ​രാ​ഗ്യ​ത്തി​ന് കാ​ര​ണ​മെ​ന്നാ​ണ് വി​വ​രം. വെ​ള്ളി​യാ​ഴ്ച രാ​ത്രി കാ​ർ ക​ത്തി​ച്ചി​ട്ടും പ​ക​തീ​രാ​ത്ത പ്ര​തി, രാ​ത്രി ഹാ​ർ​ബ​റി​ൽ മ​ദ്യ​പി​ക്കു​ക​യാ​യി​രു​ന്ന ശ്രീ​കാ​ന്തി​നെ​യും കൊ​ല്ല​പ്പെ​ട്ട സ​മ​യ​ത്ത് ഓ​ട്ടോ​യി​ൽ ഉ​ണ്ടാ​യി​രു​ന്ന ജി​തി​നെ​യും കാ​ണു​ക​യും ക​ശ​പി​ശ​യു​ണ്ടാ​ക്കു​ക​യും ചെ​യ്തി​രു​ന്നു.

പി​ന്നീ​ട് പു​ല​ർ​ച്ച മൂ​ന്നോ​ടെ വീ​ട്ടി​ൽ പോ​യ പ്ര​തി ശ്രീ​കാ​ന്തി​നെ വ​ക​വ​രു​ത്താ​ൻ ത​യാ​റാ​യി തി​രി​കെ ഹാ​ർ​ബ​റി​ലേ​ക്ക് വ​ന്നെ​ങ്കി​ലും സു​ഹൃ​ത്തു​ക്ക​ൾ ഉ​ള്ള​തി​നാ​ൽ മ​ട​ങ്ങി. അ​ഞ്ച​ര​യോ​ടെ ഓ​ട്ടോ​യി​ൽ ശ്രീ​കാ​ന്ത് പു​റ​ത്തേ​ക്കു പോ​കു​ന്ന​തു​ക​ണ്ട് പി​ന്തു​ട​ർ​ന്നു. ശ്രീ​കാ​ന്ത് വീ​ടി​ന​ടു​ത്ത് ഓ​ട്ടോ നി​ർ​ത്തി വി​ശ്ര​മി​ക്കു​മ്പോ​ൾ വെ​ട്ടി​ക്കൊ​ല​പ്പെ​ടു​ത്തു​ക​യാ​യി​രു​ന്നു.

മ​ൽ​പി​ടി​ത്ത​ത്തി​നി​ടെ റോ​ഡി​ന്റെ എ​തി​ർ​വ​ശ​ത്ത് ന​ട​പ്പാ​ത​യി​ൽ വീ​ണ ശ്രീ​കാ​ന്തി​ന്റെ മ​ര​ണം ഉ​റ​പ്പാ​ക്കി​യ​ശേ​ഷം വാ​ഹ​നം സ​മീ​പ​ത്തു​ള്ള ഇ​ട​വ​ഴി​യി​ലൂ​ടെ ഓ​ടി​ച്ചാ​ണ് പ്ര​തി ര​ക്ഷ​പ്പെ​ട്ട​ത്. കു​റ്റം നി​ഷേ​ധി​ച്ച പ്ര​തി​യെ അ​ന്വേ​ഷ​ണ സം​ഘം ശാ​സ്ത്രീ​യ തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ മ​ണി​ക്കൂ​റു​ക​ളോ​ളം ചോ​ദ്യം ചെ​യ്യു​ക​യാ​യി​രു​ന്നു. തു​ട​ർ​ന്നാ​ണ് കു​റ്റം സ​മ്മ​തി​ച്ച​ത്. പ്ര​തി​യെ പി​ന്നീ​ട് റി​മാ​ൻ​ഡ് ചെ​യ്തു. 

ഇ​നി ആ​യു​ധം ക​ണ്ടെ​ത്ത​ണം; പ്രതി​യെ പൊ​ലീ​സ് ക​സ്റ്റ​ഡി​യി​ൽ വാ​ങ്ങും

കോ​ഴി​ക്കോ​ട്: ന​ഗ​ര​ത്തി​ലെ ഓ​ട്ടോ ഡ്രൈ​വ​ർ ശ്രീ​കാ​ന്തി​നെ വെ​ട്ടി​ക്കൊ​ല​പ്പെ​ടു​ത്തി​യ കേ​സി​ൽ പ്ര​തി ധ​നേ​ഷി​നെ തെ​ളി​വെ​ടു​പ്പി​നും കൂ​ടു​ത​ൽ ചോ​ദ്യം ചെ​യ്യു​ന്ന​തി​നു​മാ​യി വെ​ള്ള​യി​ൽ പൊ​ലീ​സ് ഉ​ട​ൻ ക​സ്റ്റ​ഡി​യി​ൽ വാ​ങ്ങും. ഇ​തി​നാ​യി കേ​സ​​ന്വേ​ഷി​ക്കു​​ന്ന വെ​ള്ള​യി​ൽ പൊ​ലീ​സ് കോ​ട​തി​യി​ൽ അ​​പേ​ക്ഷ ന​ൽ​കും.

ആ​ദ്യം കു​റ്റം നി​ഷേ​ധി​ച്ച പ്ര​തി കൊ​ല ന​ട​ത്തി​യെ​ന്ന് ഏ​റ്റു​പ​റ​ഞ്ഞെ​ങ്കി​ലും കൊ​ല​ക്കു​പ​യോ​ഗി​ച്ച ആ​യു​ധം എ​വി​ടെ ഒ​ളി​പ്പി​ച്ചു​വെ​ന്ന ചോ​ദ്യ​ത്തി​ന് ക​ട​ലി​ൽ എ​റി​ഞ്ഞു എ​ന്ന ഒ​ഴു​ക്ക​ൻ മ​റു​പ​ടി​യാ​ണ് ന​ൽ​കി​യ​ത്. ഇ​ത് അ​ന്വേ​ഷ​ണ സം​ഘം പൂ​ർ​ണ​മാ​യും വി​ശ്വ​സി​ച്ചി​ട്ടി​ല്ല. കേ​സി​ൽ ആ​യു​ധം ക​ണ്ടെ​ത്തു​ക പ്ര​ധാ​ന​മാ​ണ്.

പ്ര​തി​യെ ക​സ്റ്റ​ഡി​യി​ൽ വാ​ങ്ങി വി​ശ​ദ​മാ​യി ചോ​ദ്യം ചെ​യ്യു​ന്ന​തോ​ടെ കൊ​ല സം​ബ​ന്ധി​ച്ച കൂ​ടു​ത​ൽ വി​വ​ര​ങ്ങ​ൾ ല​ഭി​ക്കു​മെ​ന്നും ആ​യു​ധം ഉ​ൾ​പ്പെ​ടെ വീ​ണ്ടെ​ടു​ക്കാ​നാ​വു​മെ​ന്നു​മാ​ണ് പൊ​ലീ​സ് പ്ര​തീ​ക്ഷ. ന​ഗ​ര​ത്തെ ഞെ​ട്ടി​ച്ച ​ദാ​രു​ണ കൊ​ല​യി​ൽ രാ​പ്പ​ക​ൽ വ്യ​ത്യാ​സ​മി​ല്ലാ​തെ ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ൽ 36ാം മ​ണി​ക്കൂ​റി​ലാ​ണ് പൊ​ലീ​സ് പ്ര​തി​യെ പി​ടി​കൂ​ടി​യ​ത്.

ടൗ​ൺ അ​സി. ക​മീ​ഷ​ണ​ർ കെ.​ജി. സു​രേ​ഷി​ന്റെ നേ​തൃ​ത്വ​ത്തി​ൽ വെ​ള്ള​യി​ൽ ഇ​ൻ​സ്പെ​ക്ട​ർ ജി. ​ഹ​രീ​ഷും ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ അ​നൂ​ജ് പ​ലി​വാ​ളി​ന്റെ കീ​ഴി​ലു​ള്ള സ്പെ​ഷ​ൽ ആ​ക്ഷ​ൻ ഗ്രൂ​പ്പും ചേ​ർ​ന്നാ​യി​രു​ന്നു പ്ര​തി​യെ പി​ടി​കൂ​ടി​യ​ത്.

സ​ബ് ഇ​ൻ​സ്പെ​ക്ട​ർ ഒ. ​മോ​ഹ​ൻ​ദാ​സ്, ഹാ​ദി​ൽ കു​ന്നു​മ്മ​ൽ, ശ്രീ​ജി​ത്ത് പ​ടി​യാ​ത്ത്, ഷ​ഹീ​ർ പെ​രു​മ​ണ്ണ, സു​മേ​ഷ് ആ​റോ​ളി, രാ​കേ​ഷ് ചൈ​ത​ന്യം, ഷാ​ഫി പ​റ​മ്പ​ത്ത്, എ. ​പ്ര​ശാ​ന്ത്കു​മാ​ർ, എം. ​ഷാ​ലു, സു​ജി​ത്ത് വെ​ള്ള​യി​ൽ സ്റ്റേ​ഷ​നി​ലെ സ​ബ് ഇ​ൻ​സ്പെ​ക്ട​ർ​മാ​രാ​യ ബി.​എ​സ്. ബാ​വി​ഷ്, ടി. ​ദീ​പു കു​മാ​ർ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ പി. ​ദീ​പു, സൈ​ബ​ർ സെ​ല്ലി​ലെ രൂ​പേ​ഷ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.