തോമസ് ചാണ്ടിക്ക്​ ക്ലീൻ ചിറ്റ് നൽകിയത് ശരിയായില്ല -ആൻറണി

കൊച്ചി: മന്ത്രി തോമസ് ചാണ്ടിക്കെതിരായ ആരോപണം അന്വേഷിക്കണമെന്ന് കോൺഗ്രസ് പ്രവർത്തകസമിതി അംഗം എ.കെ. ആൻറണി. അന്വേഷണത്തിനുമുമ്പ് തോമസ് ചാണ്ടിക്ക് മുഖ്യമന്ത്രി ക്ലീൻ ചിറ്റ് നൽകിയത് ശരിയായില്ല. ആരെക്കുറിച്ചായാലും ആരോപണമുണ്ടായാല്‍ പൊതുജനത്തിന് ബോധ്യമാകുന്ന വിധത്തില്‍ അന്വേഷണം നടത്തുകയാണ്​ വേണ്ട​െതന്ന്​ അ​േദ്ദഹം മാധ്യമപ്രവർത്തകരോട് പറഞ്ഞു​. 

അതിരപ്പിള്ളി പദ്ധതിയുടെ കാര്യത്തിൽ ചർച്ചയാകാമെന്ന് ഉമ്മൻ ചാണ്ടി പറഞ്ഞത് ഏതുസാഹചര്യത്തിലാണെന്ന് വ്യക്തമല്ല. ഇക്കാര്യത്തിൽ കേരളത്തിൽ അഭിപ്രായസമന്വയം ഉണ്ടാകില്ല. പദ്ധതിയെക്കുറിച്ച ചർച്ചകൾ അവസാനിപ്പിക്കണമെന്നും ആൻറണി കൂട്ടിച്ചേർത്തു.