തിരുവനന്തപുരം: പൊലീസുകാരെക്കൊണ്ട് ദാസ്യപ്പണി ചെയ്യിച്ചെന്ന വിവാദത്തിൽ എ.ഡി.ജി.പി സുധേഷ് കുമാറിനു പുറമെ മറ്റൊരു എ.ഡി.ജി.പി കൂടി പ്രതിക്കൂട്ടിൽ. എ.ഡി.ജി.പി നിതിൻ അഗർവാൾ പൊലീസുകാരെ കൊണ്ട് തെൻറ വീട്ടിലെ പട്ടിയെ കുളിപ്പിക്കുന്ന ദൃശ്യങ്ങൾ മാധ്യമങ്ങൾ പുറത്തു വിട്ടു.
നിലവിൽ റോഡ് സേഫ്റ്റി കമീഷണറായ നിതിൻ അഗർവാൾ ബറ്റാലിയൻ എ.ഡി.ജി.പിയായിരുന്നപ്പോൾ പൊലീസ് നായയുമായി ബന്ധപ്പെട്ട കാര്യങ്ങൾ മാത്രം ചെയ്യേണ്ട ഡോഗ് സ്ക്വാഡിലെ പൊലീസുകാരെക്കൊണ്ട് സ്വന്തം വീട്ടിലെ പട്ടിയെ കുളിപ്പിക്കുന്ന ദൃശ്യങ്ങളാണിപ്പോൾ പുറത്തായിരിക്കുന്നത്. നാലു മാസം മുമ്പത്തെ ദൃശ്യങ്ങളാണിത്.
നിതിൻ അഗർവാളിനെതിരെ പരാതി നൽകുന്നതിെൻറ ഭാഗമായി എടുത്തു വെച്ചതായിരുന്നു ദൃശ്യങ്ങൾ. നിലവിൽ പൊലീസ് സേനയിൽ ഉയർന്ന വിവാദത്തിെൻറ പശ്ചാത്തലത്തിൽ ചില പൊലീസ് ഉദ്യോഗസ്ഥർ തന്നെയാണ് ദൃശ്യങ്ങൾ മാധ്യമങ്ങൾക്കു നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.