കോട്ടയം: വൈക്കം വടയാറിൽ ലോറിയും ബൈക്കും കൂട്ടിയിടിച്ചുണ്ടായ അപകടത്തിൽ രണ്ട് യുവാക്കൾ മരിച്ചു. വൈക്കം അക്കര പ്പാടം കോണിപറമ്പിൽ അരുൺ (25) ,വല്ലകം വഴുതക്കാട്ട് ശ്രീനിവാസെൻറ മകൻ ശ്രീശ്യാം (24)എന്നിവരാണ് മരിച്ചത്. വൈക്കം വടയാറിൽ ഇന്ന് ഉച്ചയ്ക്ക് ശേഷം വടയാർ പാലത്തിനു സമീപമായിരുന്നു അപകടം. യുവാക്കൾ ബൈക്കിൽ തലയോലപ്പറമ്പിലേക്കും, ലോറി വൈക്കം ഭാഗത്തേക്കും വരികയുമായിരുന്നു.
അപകടത്തിൽ ബൈക്കും, യുവാക്കളും ലോറിക്കടിയിൽപ്പെടുകയായിരുന്നു. ഫയർഫോഴ്സും പൊലീസും, നാട്ടുകാരും ചേർന്നാണ് യുവാക്കളെ പുറത്തെടുത്തത്. അപ്പോഴേക്കും ഗുരുതരമായ് പരിക്കേറ്റ ഇരുവരും മരിച്ചിരുന്നു. മൃതദേഹങ്ങൾ കോട്ടയം മെഡിക്കൽ കോളേജ് മോർച്ചറിയിലേക്കു മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.