തിരുവനന്തപുരം: പാമോലിൻ കേസിൽ വിചാരണ തുടരാനുള്ള സുപ്രീംകോടതി ഉത്തരവ് ഉമ്മന്‍ചാണ്ടിക്ക് നേരെയാണ് വിരല്‍ചൂണ്ടുന്നതെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. ഉമ്മന്‍ചാണ്ടി ആരോപണ വിധേയനായിരിക്കുന്നത് ഈ കേസിലാണ്. അദ്ദേഹം മുഖ്യമന്ത്രിയായിരുന്ന രണ്ട് സന്ദര്‍ഭങ്ങളിലും ഈ കേസ് പിന്‍വലിക്കാന്‍ വേണ്ടി തീരുമാനിച്ചിരുന്നു. കോടതി അനുമതി നല്‍കാത്തതുകൊണ്ടാണ് ഇപ്പോഴും ആ കേസ് തുടരുന്നത്. ഇപ്പോള്‍ ആരെയും കുറ്റവിമുക്തരാക്കാന്‍ പറ്റില്ലെന്നും കേസിന്റെ വിചാരണ നടക്കട്ടേയെന്നുമാണ് സുപ്രീം കോടതി പറഞ്ഞിരിക്കുന്നത്. യു.ഡി.എഫിന്റെ അഴിമതിയുടെ മറ്റൊരു മുഖമാണ് പാമോയില്‍ അഴിമതി. പാമോയില്‍ അഴിമതി വളരെ പ്രസക്തമാണെന്ന് സുപ്രീംകോടതിയുടെ ഇന്നത്തെ പരാമര്‍ശത്തോടെ വ്യക്തമായിരിക്കയാണെന്നും കോടിയേരി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.