പാലക്കാട്: പാലക്കാട് ജില്ലയിൽ സി.പി.എം മത്സരിക്കുന്ന 9 സീറ്റുകളിലെ സ്ഥാനാർഥി പട്ടികയിൽ വി.എസ് അച്യുതാനന്ദന്റെ പേര് ഉൾപെടുത്തിയില്ല. വി.എസ് മത്സരിക്കുമെന്ന് കരുതുന്ന മലമ്പുഴയിൽ സി.ഐ.ടി.യു നേതാവ് എ. പ്രഭാകരന്റെ പേരാണ് ജില്ലാ സെക്രട്ടേറിയേറ്റ് നിർദേശിച്ചിട്ടുള്ളത്. കഴിഞ്ഞതവണ മലമ്പുഴയിൽ കെ.വി രാമകൃഷ്ണനെ സ്ഥാനാർഥിയായി ജില്ലാ നേതൃത്വം നിർദേശിക്കുകയും ചുവരെഴുത്ത് നടത്തി പ്രചാരണം തുടങ്ങിയ ശേഷമാണ് വി.എസിനെ സ്ഥാനാർഥിയായി പ്രഖ്യാപിക്കുന്നത്. ഇത്തവണയും അതാവർത്തിക്കാനാണ് സാധ്യത. അന്തിമ തീരുമാനം നാളെ ചേരുന്ന സി.പി.എം സംസ്ഥാന സമിതിയിലാണ് ഉണ്ടാവുക. വി.എസും പിണറായി വിജയനും മത്സരിക്കണമെന്ന് പി.ബി നിർദേശിച്ച സാഹചര്യത്തിൽ വി.എസ് മലമ്പുഴയിൽ തന്നെ സ്ഥാനാർഥിയാകുമെന്നാണ് സൂചന.
പാലക്കാട് ജില്ലയിലെ പട്ടാമ്പി, മണ്ണാർക്കാട് മണ്ഡലങ്ങളിൽ സി.പി.ഐ സ്ഥാനാർഥികളും ചിറ്റൂരിൽ ജനതാദളും മത്സരിക്കാനാണ് ഇടതുമുന്നണി ധാരണ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.