കൊച്ചി: ബി.ജെ.പി-ബി.ഡി.ജെ.എസ് സഖ്യ ചർച്ചകൾക്കായി എസ്.എൻ.ഡി.പി ജനറൽ സെക്രട്ടറി വെള്ളാപ്പള്ളി നടേശനും തുഷാർ വെള്ളാപ്പള്ളിയും ഡൽഹിയിലെത്തി. പ്രധാനമന്ത്രി നരേന്ദ്ര മോദിയും ബി.ജെ.പി അധ്യക്ഷൻ അമിത് ഷായുമായും ഇരുവരും ചർച്ചകൾ നടത്തും.
അതേസമയം, ബി.ജെ.പിയുമായി സഹകരിക്കുന്ന കാര്യത്തിൽ വ്യത്യസ്ഥ നിലപാടാണ് വെള്ളാപ്പള്ളിയും തുഷാറും മാധ്യമങ്ങളോട് വ്യക്തമാക്കിയത്. ബി.ജെ.പിയുമായല്ല എൻ.ഡി.എയുമായാണ് ബി.ഡി.ജെ.എസ് സഹകരിക്കുന്നതെന്നും വെള്ളാപ്പള്ളി നടേശൻ പറഞ്ഞു. നിയമസഭ തെരഞ്ഞെടുപ്പിൽ പാർട്ടി മത്സരിക്കുമെന്നും അദ്ദേഹം അറിയിച്ചു.
എൻ.ഡി.എ സഖ്യത്തിന്റെ കാര്യത്തിൽ തീരുമാനമായില്ലെന്ന് തുഷാർ വെള്ളാപ്പള്ളി മാധ്യമങ്ങളോട് പറഞ്ഞു.
ബി.ജെ.പി ദേശീയ നേതൃത്വവുമായി ധാരണയായ ശേഷം കേരളാ ഘടകവുമായി സഖ്യ ചർച്ചകൾ മതിയെന്നാണ് ബി.ഡി.ജെ.എസ് തീരുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.